二五蒲頭記

阿黃原來係阿七

護主有責走唔甩

搞禍同源為己任

先行賣嘴再賣忽

花家大佬喪普迫使紅家簽不平等條約不果、便惱羞成怒咁話“要執番劑嘢畀紅家嘆吓”喎！於是乎派人喊涼瓜和戇Q兩名二五仔即刻躝到花家聽令。涼瓜和戇Q亦識做、首先跑到花家議事廳唱衰紅家打壓港毒民主和反紅自由。呢兩壇嘢除咗指責紅家不按照花家應可嘅一套法則去治理罪惡城之外、還要將戰中三條𡃁（戇痴瘋、兜捹匡、籮半蔥）之所以成為監躉入晒紅家數。佢哋話、因為三條𡃁全心全意維護花家利益、才會被紅家以莫須有罪名打入天牢。難怪咁多人都話、狀棍嗰把「𧥺」連死都可以拗翻生架啦！

嗱、在下早就講過、城中嘅二五仔為着配合花大叔須要、在今年之內勢必密鑼緊鼓搞更多嘢出嚟、而且仲會有唔少街坊附和架！冇辦法、皆因老番在教育和法律兩方面做嘅功夫非常到家、再加上刻意裁培出嚟嘅一班精英代為守陣、所以令到紅家連插針嘅地方都找不着。否則那些如廿三調、各聞教育、龍之歷史、正字改革、唱歌法等、就唔會全部都遇上前所未有過嘅阻滯。更加厲害就係、黃教頭教到那群“八九十後”嘅花𡃁 kan 、人人都相信「犯法達標」係啱嘅。講開又講、涼瓜能夠以一句「不守戒並不等如破戒」而成為黃仔之爸、而戇Q亦以一句「坐監係可坐出彩虹來」而成為黃仔㕲契、都可以算得上係奇蹟咯。如今、在大和解和大包容下、讓李賣田那句「以做看更為榮」嘅鬼話漸成氣候。相信在不久將來會有更多人效法涼戇兩條瞀里扯開面上遮醜布、將「看更」真容露於人前。咁搞法、罪惡城容乜易變作「看更」城架！唔通呢啲就係大和解效應嚟？