日本陲船（遲早完）

越玩越加㜺

𠵿風去而返

齊齊𠾍住做

遲早冚包散

日前從新聞報導得知、清道工人將煙頭、紙屑等拉圾掃落渠閘內。公眾飲水機過濾器用到過晒期、甚至盛水盤生出菁苔都冇人理。拆卸橋底非法蓋搭時、只係拆收到投訴的一間、其它的好少理。戰中多名主要疑犯至今尚未受審。剛剛還聽到骨科病人苦等七年才獲得做手術。即使你話我擦前朝肥彭嘅鞋、而唱衰現任一姐都要講、自從大歸以來、本城阿頭嘅管治能力一蟹不如一蟹、確實係今不如昔矣！拿、上述嘅“清道工人將垃圾掃落渠閘內”係清道服務大倒退。從前掃街工人都知到「掃垃圾落渠閘內」是清道工人大忌。因為前線管理人對這種行為反應很嚴厲的。在大歸後掃街工作外判速度加快、管理方面而續漸鬆散。其實、這種管理疏鬆情況、在其它部門亦廣範存左着。

自從八四年忽裂顛一姐大桌二在人人大會堂門外仆階後、本城公人一度𠵿到亂晒龍。直至肥彭上任後下令各個政策部門部長各自搞一套叫作「服務誠諾」嘅政策、才將惡劣環境改轉過來。肥彭嘅目的是迫公人阿頭向街坊作出一個合理嘅服務誠諾、並保正在規定時間內完成街坊的投訴。事後還會主動聯絡投訴人、詢問他們是否滿意在關改善。反觀當下情況、街坊有街坊投訴、公家就好似食咗十擔豬油咁款、你踢一腳我逳一步、如果你唔踢、我就唔逳。以最近公家在深水區橋底拆非法本屋為例、有關部門只係拆掉被投訴的那一間木屋、其餘的就無人理喇！早前食玩署在垃圾會爆屋雨部大鑊、期間曝露出積存十萬個滲水投訴個案仍然未曾跟進。你話嘞、係咪豈有此理？嗱、見到啦、連老番都曉得「攻心為上」拉攏街坊支持、反而架忌冷拿回管治權之後就變得又𠵿又𠾍、簡直係倒紅家嘅米。鬼咩、家陣全城都被一團熾熱嘅政治氣氛籠罩着、一姐既然要為大型基「過關」而清除路障、又要為某些人大和解難而分心、仲邊有時間去理埋咁多濕濕碎嘅事？然而、佢嘅「打家班」原來又係𠾍友嚟、使得下面那班公人阿頭亦隨之放軟手腳。莫講話責任承擔呢家嘢失咗踪、甚至連自己應該做乜都唔清唔楚嘅。咁搞發、服務水平又點會話唔倒退？