英雄與狗熊

狗熊之威不是威

信他一成便躀低

專呃細路氹氹轉

博你唔知佢亂嚟

日前、過氣一哥阿狼公開質疑、點解在戰中和汪暴被告人之中見唔到有政棍子女在內？其實問都多餘啦！比着係你、明知到係個屎氹都唔會擁自己仔女踩落去咁戇居啦！呢淌混水都係由它家仔女去混才化算嘅。另外、阿藍問、點解管治當局眼光光睇住隻蜓妖不斷教唆他人子弟犯法達標、操控兩會選舉、以及到處散播講獨、都唔將他繩之於法？其實蜓妖嘅所作所為屬好屬壞乃係見仁見智的。有人認為蜓妖翻盅亂講累街坊、但係亦有人認為佢係反紅大英雄嚟。注於管治當局點睇、我實在唔知到。不如由大家去聽其言、觀其行、然後再下結論吧！

講起英雄呢家嘢、無論你對紅家會老祖宗太陽伯伯愛也好、恨也罷、總之他絕對稱得上係真英雄人物嚟。在抗花援朝一役之中、太陽伯伯雖然送千千萬萬它家子女上戰場、但他亦把自己兩個兒子也一起送去。結果他的兩個仔都係在朝仙戰場陣亡。這足以令本城的那群只會以妖言（犯法不等如目無法紀）迷惑人家仔女替佢哋墊屍底、仲話坐監會坐出彩虹來嘅垃圾人版汗顏。眾所周知、太陽伯伯之所以抗花援朝、是以維護民族利益為依據、並不似得罪惡城班政棍只為一己政治利益而擁人家仔女去當炮灰。事實上、太陽伯伯的兩個兒子真的在朝仙戰場犧牲、而本城那群卻禁絕自己仔女參加自己推動嘅反社會行動。究竟誰是為民族利益而戰、誰是在靠害街坊、大概不用我講了吧！無論橫睇抑或掂看、在罪惡城政壇上都見不到英雄人物、即使有亦只不過是狗熊。嗱、我唔係話罪惡城那群政壇小丑可以跟太陽伯伯雙提並論、我只係想講、本城政棍連替太陽伯伯擦鞋之資格都冇咁啫！各位街坊、你還會讓自己子女去替別人墊屍底嗎？