白鴿雲飛擒大咬

勿笑我黐纏

思君夜難眠

熱情難自禁

風騷賣不完

姣婆遇着姿粉客一拍即合就見得多、白鴿雲飛擒大咬嚇怕靚俊哥你又見過未？話說、日前黃營為着阻撓藍營在垃圾會硬鎖新遊戲規則而玩嘢。其間靚俊哥拿部手機出來、准備透過飛時卜直播現場實況。殊不知白鴿雲話靚俊哥影人唔影佢、便呷起乾醋來。她一面用心口頂住靚俊哥、另一面將一張紙皮擋着他雙眼、搞到靚俊哥無法拍攝。靚俊哥雖然左閃右避、但白鴿卻個心口就係唔放過佢。靚俊哥被白鴿雲弄痛了臉、並喊她走開。但白鴿雲懶風騷咁話、我鍾意呀、呢度係你嘅咩？靚俊哥實在消受唔起白鴿雲滿身騷氣、於是喊她勿再死冤。點不知白鴿雲眯起雙白鴿眼話靚俊哥性騷擾佢喎！難怪有人話白鴿雲黃色上腦、一見到靚俊哥就失晒控啦！

呢嗱、靚俊哥能否擺脫白鴿雪嘅風騷纏擾不得而知、但當時所見到嘅情況就是、一係就冇人玩、玩開有人爭住玩。事實上個場咁大、冇理由淨係被白鴿雲一個人玩哂吖嘛！所以喇喎、拳頭必亦跳埋出嚟贈㷫。佢擺出來嘅陣容、比起白鴿雲所演嘅獨腳戲就墟撼得多喇！機乎所有反派猛男都齊齊舉起寫上字句嘅紙牌離開坐位、並隨他走到垃圾會大舞台中央做布景板。只見拳頭必獨個兒豐姿綽約般的站在大舞台中央、而其他十九幾名反派猛男則以半月形方式將他圍着、十足十群星拱月咁款、樂得拳頭必都不知幾咁風騷。吓、佢哋做緊乜嘢！哦、講真啦、我都唔知到架！在感覺上來講、似乎係上演着一齣無聊劇。睇起嚟、大概係求求其其、是是但但搵啲嘢出嚟搞吓、目的係想藉此掗住個場、唔畀藍營繼續硬銷佢哋嗰套新遊戲規則啩！