我係黃思

在江湖身不由己

政壇上惡毒卑鄙

想當初高朋滿座

事至此再會無期

各位街坊我叫做黃思、我並唔係一個人而係一個整體。當我是仍係飯民時、即使拖一百幾十萬人上街亦是祥和有序兼大獲好評。當我被改名為黃思之後就跟獨思鬼混、並弄得滿臉猙獰兼神憎鬼厭。在獨思成為旺暴疑犯之後就爆發高級獨思走佬潮、而留下來低級獨思若不是投靠米字旗、就是勾結倭寇、或是跟台島皇民後代合謀將本城作為反紅基地。現在獨思走佬嘅走佬、失踪嘅失踪、留低隻鑊由黃思來孭、使得我哋在垃圾會內拉布拖、在會外𠼱地夾瞓街、博取街坊激烈支持。可惜城中街坊已經不耐煩、跟藍思一起指責我等黃思阻住個地球轉。但係我哋必須提醒街坊、假如遊戲規則一旦被修改之後、廿乜條、乜乜教育、乜改等項目就會落實、到時黃思再幫唔到你哋。現在我哋一班黃思尊貴決定發大單嘢來搞、索性趁今次反修改遊戲規則引發二戰。如果成功嘅話、那就替花家立大功架喇！你會唔會來支持吓咁呢？

呢嗱、黃思之所以叫做黃思、就是當初花大叔賜咗一柄黃雨遮畀我哋而起朵的。既然我哋接受咗花大叔恩賜嘅黃色、那就當然不容腦子內有半點紅色思維存在、所以必須做到逢紅必反。弊就弊在、唔知從甚麼時候開始、黃思忽然做咗獨思嘅護航使者、使得我哋嘅黃思青年為獨氣所薰染、變得比獨思更加思獨。現在嗰個帶起獨思潮嘅爛口教頭已經「收夠酬」鬆人兼嘆世界、剩低我哋班黃思繼續吊吊捹。當日支娜男女被逐出議事堂之時、黃思代表群起保護佢倆已經做錯。當另外四名疑似獨犯被逐離場時、黃思代表再犯下同樣錯誤、更加係錯上加錯。現在我哋洗濕咗個頭、明知拉布乞人憎兼會對補選構成不利因素、仍然要像阿超藉褲一樣「局住嚟」嗰吓無奈吖嘛！因為當拉布停止之日、就是我等黃思墮入末路之時。到時罪惡城就變成藍思城。如果黃思真的淪落至廢柴地步、花大叔還會睇我哋台戲嗎？跟花家有千絲萬柳關係嘅大戶、中戶、細戶等還會當我們嘅衣食父母嗎？當下連街坊都唔認同我哋、都可謂一子錯、滿盤皆落索。你話嘞、呢鋪唔係陸雲霆睇相又係乜？