罵人須有理

咪亂發脾氣

罵人須有理

人皆有眼睇

看誰衰收尾

有藍營人士不斷鬧爆戒律長為未找數先走人。意思係、指責戒律長留低一坺蘇州屎就劈炮唔撈、乃屬不負責任所為。嗱嗱嗱、在下必須聲明立場、我並唔係偏幫任何人嘅。請問一聲、何謂蘇州屎？基本上沒有任何一個戒律長能夠在離職前把所有工作都做完、除非世界可以暫時停頓下來等候則例外。罵人者曾經係議事堂長老、難道人們認為他在任期間未曾完成所有工作指標就應該挨轟嗎？嗱、賴屎賴尿人皆有之、罵人亦必須罵得有道理才對。戒律長留低嘅並唔係蘇州屎而係遺憾。

俗語有講、受人錢財、替人消災吖嘛！之不過、如果一個人同時食多家茶禮嘅話、矛盾就來了！坦白講、戒律長亦只不過是揸拂人麾下一名要員。雖然規則限制揸拂人不得過問戒律事務、但戒肆長嘅考勤報告是由揸拂撰寫的。因此論抵鬧者、非身為戒律長上師嘅揸拂人莫屬。有消息指、今次戒律長之所以破格跨界服務、係因為上屆揸拂人向總舵打他的小布告所至。試問當一個人在不情不願之下、焉能做出好成績來？繼續留着他又有何用？何況揸拂堂越來越陰陽怪氣、葫蘆裡面裝嘅係乜嘢藥根本冇人知。依我睇、多拿點耐性出來睇多兩年、形勢必會趨向明朗化的。信唔信都無妨、就讓咱們走着瞧吧？