2017年12月4日星期一

勿輕信人言


唔係要靠嚇
人有不同格
勿信片面詞
有局應當拆

近來在互聯網絡經常出現一些刻意誤導事件、使得一眾網民對被指控嘅人士喪插之外、還令到當事人蒙受精神上和經濟上嘅損失。繼早前一對男女刻意在一碟炸雞造手腳、然後透過飛時卜老屈食肆掠水之後、今日又有報導指出、有人在自己未搞清楚之前、就硬着指某商店店員收錢唔找錢、並在飛時卜上指責對方博大霧呃錢。就係咁、本來是誤會一宗、又或是某人想找些事來博出名、卻演變成一場又一場網上屈人事件。幸好、本港流行安裝閉路電眼、並將一切都紀錄下來,否則隻死貓就食硬都得咯!

須知到被老屈嘅人在眾口齊罵之下、大都是有理說不清的。例如、年前有人透過互聯網、將一名在大坑販賣雞蛋仔嘅阿伯被捕經過描繪成官府欺壓自食其力良民事件、再加上傳媒橫加指責、小販隊便被打成係欺厭良民嘅魔鬼。當時某些同情心滿瀉人士在互聯網上籌集善款以助阿伯度過難關。之但係、後來有人睇唔過眼、便企出來將事情真相踢爆。原來所謂自食其力拒絕綜援嘅阿伯是在深圳和香港都各有一頭住家的。他一方面向社署拿取綜援、另一方面就做小販賺錢。在法律上而言、阿伯涉嫌係騙取綜援金嘅騙徒嚟。

嗱、有所謂罵人罵出汗、受者標冷汗吖嘛!鬧人嗰個就梗係過足引啦、但被罵夾被屈嘅人就難免谷滿一肚鬱氣了!雖然事情過去、罵人者亦遠去、卻在無辜者內心之中永遠留下一個烙印。將身比己、換轉閣下無端端變成眾矢之的而又有冤無路訴嘅話、你又有何感想?

14 則留言:

  1. 正所謂把口喺人個度,人哋講乜咪由得佢咯!因為,如果有人相信個啲人講嘅話,就唔會去諗有冇中傷或老屈!

    回覆刪除
    回覆
    1. 這也反映出、本城實在太多冇嗰樣搞嗰樣嘅人。

      刪除
  2. 好彩有閉路電視,先至可以還受害人一個公道。俾著以前,口同鼻拗,真係俾呢啲賤人老屈架!

    回覆刪除
  3. 好友⛅早晨🌈午安好🌞
    __☼╭══╮💕
    __╭╯ΘΘ ║💞
    ╔═╗╰⊙═⊙╯。♫♩♬♪
    ║╩╠═╦═╦═╦╦╗⊹
    ║╦║╬║╬║╬║║║¨*✾
    ╚╩╩╩╣╔╣╔╬╗║❉
    ────╚╝╚╝╚═╝❣・。。゚*
    眨吓眼時間過得好快週一
    ❥۩۞۩ღೋგ♥ഐஜ♡

    回覆刪除
  4. 一個月前,咪又有人喺元朗賣羊肉被屈賣狗肉,仲有垃圾會專貴飛身撲出來攪大佢添。

    回覆刪除
    回覆
    1. 對呀、被做提醒咗、我都想起這件事來。

      刪除
  5. 呢個世界好多野,真係眼睇都未為真!

    回覆刪除
  6. 古語說:「眾口鑠金」;俗語說:「人言可畏」,是會殺人的。
    被人屈的事件,年青時我也曾經經歷過。只要心中無愧,在惡劣的環境之下,泰然處之,最終都會水落石出。當然,“己所不欲,勿施於人。”凡是惡口、毒心,都會有業報的。
    *
    佛說要有愛心,說愛語:即是為他人有喜事而喜,說恭喜的話;為他人有壞事而說同情安慰的話,這就是愛語。勿造口孽。

    回覆刪除
    回覆
    1. 老屆之所以在本城成為氣候、就是人嘅質素問題。包拘家庭、學樣、社會都有責任的。

      刪除
  7. 謝謝域兄 ! 今期聽完 Peter & Gordon 的 Five Hundred Miles, 又有費玉清和方芳的清談、好歌,真是耳福不淺。

    回覆刪除