2017年12月2日星期六

大恐與細恐



喪普份人黐孖根
硬把肥恩當仇人
既是同行心互扣
兩恐宜作一家親

呢嗱、喪普剛剛放話要用核武砸散肥恩嘅老巢北寒之後、使得花軍軍頭跳出來澄清、是不會接受非法核攻擊命令。由此看來、花國國內對喪普唔多放心大有人在。喪普為保顏面、便改口話要將北寒列入恐怖組織名單之內。嗱、如果我冇記錯嘅話、每當肥恩受到喪普恐嚇、北寒就會試導彈或試爆核彈以作回應。話口未完、肥仔恩剛剛又成功試射兩枚能夠涵蓋花國大部份地區嘅導彈。有地質學家發現沉睡中的長白山火山受到核試刺激漸漸甦醒過來、並且有大爆發之虞。如果肥仔恩癲起上來再玩一次地下核試、分分害得東亞地區死人兼冧樓嘅。若他在太平洋上空試爆、海陸生態環境都難免於難。其實喪普與肥恩呢兩壇嘢無論在性格、視野、行為等各方面都是同一個阿媽生出來一樣、何不結拜為兄弟?點都好過狗咬狗骨兼累街坊吖嘛!

當年花大叔睇中東石油、便先後扶起阿二蓋𢱕、醫師爛閣等組織。凡是聽教聽話者、都被花大叔封為抗暴義士。但凡膽敢迕逆者、一律被列為恐怖分子。其中嘅阿二丐𢱕和醫師爛閣就是由花家代理人演變成為花家敵人、而被封為恐怖組織的。花大叔一向自恃是㒼主大阿哥、視所有順從者(例如:極權家族、真神教家族、甚至頭號死敵嘅紅色家族)為兄弟或是好朋友。所謂價值觀、對花大叔來說只是損人利己嘅玩意嚟。

花大叔有一鋪「一面跟你講交情、而另一面就靠害你」嘅習慣。他不止派其家丁跑到你家門撩事鬥非、而且會透過「偽民間組織」向你家中嘅逆子逆孫贈銀兼送花。例如使得中東屍橫遍野嘅茉莉花、以及使得台島獨氣沸騰嘅太陽花都是例證。總言之、花大叔即使弄不垮貴宅、都要弄得閣下家中雞犬不寧。就在04年之嘛、花大叔贈予紫荊人一柄黃色雨傘、便使得城中學子滿腦子都被黃色思維。雖然紫荊城尚未被搞死、但已經被搞到五倫顛倒、冇大冇細、不愛知識、只愛黃色、親朋戚友為黃色而反目、素無瓜葛嘅人為黃色而結仇、都可謂聞害人不淺。這一切都是大眾有目共睹嘅事實嚟。難道閣下還相信花大叔敲咱家的門、是為拜年而來的嗎?

14 則留言:

  1. 今鋪真係大頭佛(對喪普來講),以前北寒D飛彈最多飛到亞拉史架咁遠,即係最多去到門口,入唔到屋。點知呢次個飛彈有力飛到咁遠,可以去到間屋任何一個角落。加上北寒唔只有瞎彈,又試埋輕彈,爆起上來威力以十倍計。
    始終瓷器撼缸瓦,撼爛晒D缸瓦都仲係蝕底,咁蝕底嘅野花家最多講下,唔會真做嘅。
    剩低已經冇乜傢伙可用,得返封鎖經濟係佢強項,封鎖油氣又過唔到紅家。
    北寒一早已經窮到褲穿窿,冇乜冇物都慣嘅啦,如果咁容易攪得掂,都唔使等到喪普啦。

    回覆刪除
    回覆
    1. 對、肥仔金已經冇乜嘢可以再輸、正係爛命一條、當然冇有怕。

      刪除
  2. ♦¨*☾好友🌜晚安☁・。。゚🌛
       ╭───────╮✬
       │瞓覺豬呢💤│
       ╰───────╯✨
    ╭───────╮☆♫♩
    │甜夢安睡💤│
    ╰───────╯★
      O🌟
       o❉♬
     .∧_∧・。。゚
     ( ・ω・ )*♪
     |⊃/(___◇۩۞۩ഐ๑
    /└-(____/✾•ೋგஜ⊹
    眨吓眼時間過得好快又週日嚟

    回覆刪除
    回覆
    1. 神鳳、又係新的一周喇、祝事事如意。

      刪除
  3. 佛口蛇心贈花贈傘,說一套做一套,攪到人家內亂,攞景兼贈慶,實非君子所為。
    如此失心瘋,攪到肥恩一怒火爆,遲早一鑊熟 !

    回覆刪除
    回覆
    1. 呢個世上之所以會亂成咁、無非一個利字而矣!

      刪除
  4. 我記得多年前看過一套大陸片,好似係紀錄片,片中老毛就已經話老美係紙老虎,只要你夠硬淨頂住,老美就會退縮,所以小恩可能便因這些「知識」而敢於硏核了!

    回覆刪除
    回覆
    1. 對、肥仔恩只要核子就是從毛伯那處學來的。

      刪除
  5. 特朗普都唔知幾聰明,間中激下肥仔,肥仔不堪一激,就走去試射飛彈,斷估射支飛彈洗唔少錢。北韓再係咁射,加上各國制裁,經濟雪上加霜,到時官廹民反,肥仔遲早唔洗開戰都會俾民眾隊冧。

    回覆刪除
    回覆
    1. 對於北寒來說、因為現在尚有中國、俄國、和古巴等國不肯加入美國搞咁私下制裁行列、所以美國集團實際上是到咗制無可制、裁無可裁嘅境界。但我點都唔信中國會全面制裁北寒。因為咁做只會對美國有利、但對中國就只有百害而無一利吖嘛!

      刪除
    2. 不過中國肯定唔想肥仔擁有核彈,加上肥仔對中國愈嚟愈唔俾面,無大無細,跟佢老豆同爺爺對中國態度南轅北轍。雖則話肥仔同花旗依家勢成水火,但政治嘅野瞬息萬變,肥仔突倒進特普懷抱一啲都唔出奇,你睇番越南就係最佳例子。

      刪除
    3. 對的、凡人凡事都不可盡信、否則就瓜得。政治確實係各為自己利益電盤算的。

      刪除