拉布以外

老嫩分成兩大派

現實理想夾唔埋

政客擅長攻心計

討了便宜更賣乖

經過連番擾攘之後「修改遊戲規則」議案終於獲得通過。注於往後發展係點、就要睇過至知喇！不過咁、今次除咗議事堂場內打得火般熱、場外亦不遑多讓。雙方都有擁躉在場外打氣和支持。但係在反拉布行列之中大多數都是中年和上了年紀嘅人士、甚少見到有青少年參加。有街坊揶揄、大多數精壯嘅青少年都被黃營招攬咗、只係留一班年弱將殘兵畀藍營使至喎！

嗱、話雖然講得難聽、卻道出了實情來。其實呢個現象並非罪惡城獨有、而係全世界都一樣、年紀越大嘅人越支持建制。因為年較大嘅人唔係挨緊世界、就係挨過世界嘅。因此呢班人都係非常之珍惜現在擁有嘅一切、絕對唔願意見到有人張之摧毀的。相反、青少年入世未深、甚至連一日世界都未曾挨過。他們並不懂珍惜眼前一切、但懂得索求。在他們嘅意識裡面、索求是應份的、如果求之不得便變身為𠼱地兼惡死嘅小學雞、彷彿全世界都欠咗佢哋咁款。加上有心人在學校適心栽培下、思想唔偏激才怪。政客就最擅長利用青少年嘅不滿、所以年輕人很容易便成為政客手上嘅政治籌碼。請回頭看看、14年3月克里賣瓦獨立公投是老少兩派對決、14年9月鬚刮蘭獨立公投如是、16年6月影國脫勾公投如是、今年10月加貸羅尼瓦公投則比較一面倒所以除外、其它機乎都是老少兩大陣營對決。因此鬧獨立的大多數是年輕人、支持建制的人們大多數都是比較年長嘅一群人。其實社會上很多爭拗都是來自代溝的。人生看似不公平、但實際上係公平嘅。因為當天的我就像今天的你、今天少年人就是它朝老年人、誰說不公平？