死人水都想抽

喫完又再喫

還要口擘擘

死人照糟質

人皆責賤格

繼早前豬八萬在議事堂開會期間引用花大叔嘅說話、屈紅家在南海對南亞仔威迫利誘、企圖霸佔整個南海之後、日前他又師爸上身、趁着南京大屠殺80周年紀念企圖將南京大屠殺擺上台。此君一出聲便嚇得議事堂內人人心驚、個個膽震。但凡知到豬八萬跟島獨和倭寇兩大集團嘅曖昧關係者、無不擔心佢會引用架仔嘅講話去歪南京大屠殺曲歷史。坐館爺大口梁當然不會答應。點不知機佬泉亦跳出來加人抽水戰圈之中。嗱、政棍果然係無良知可講嘅、幸好坐館爺大口梁總算有人性、一口拒
絕豬八萬和機佬泉嘅提議、否則卅多萬死者都要被老屈架喇！

江湖上早已流傳、豬八萬是由花家禦用奶媽煲腍葉用金山大麥將佢餵大的、以致豬八萬向來都不愛爸媽只愛花家的。只要你見過豬八萬針對紅家而講話時、表情係幾咁自然、就知到每一句話都是發自他的內心。嗱、呢啲咪就係反紅反上腦、反到連是非都不分嘅囉！問你服未？雖然豬八萬曾經多次參加打擂台、結果都係一個回合未打完就躀低咗、但勢想唔到一幅菜田再加一條村就將他起死回生、結果奪得議事堂凳仔一張。可惜吖、當豬八萬進入議事堂之後才被發現、原來佢在波斯、巴比倫、以及柯富汗學到嘅功夫只適宜打街邊交、而不適合坐定定在議事堂內用個腦去打仗嘅。因為豬八萬及其拍檔滿腦子黃色戰鬥思維、結果將議事堂變得比中東戰場還要亂。其亂之程度比起當年癲狗黃搞嘅演武廳、簡直係有過之而無不及。罪惡城選民終於有機會一嘗「選人累己」嘅滋味係點嘅。俗語有講、唔怕唔知埞、獨怕瞓唔醒。如果不服氣嘅話、大可以將被打柴嘅人重新捧翻入議事堂、睇吓又會係點嘅囉！在下可以預測到、你與我都唔使慌會有好日子過嘅。吓、唔信？！咁就讓我哋放長雙眼、慢慢睇啦！