報警啦

老定夾自然

他死佢宣傳

天災人打救

作業快玩完

日前身痕黨大佬葉柳話、該黨顧問理條褲被靚剪號大掌櫃煙雨窗恐嚇、並叫佢轉告葉柳立即封嘴、否則會對該黨黨員不利。嗱、在下唔知到實情係點嘅、但聽起來就戥身痕黨黨員嘅安全擔心。雖然對方並冇指明究竟「不利」是甚麼、但確實有恐嚇成份。因此、身為大佬嘅葉柳係有責任確保佢班𡃁嘅安全、立即去報警、而唔係拿班𡃁條命仔出來博宣傳嘅。仲有呀、人家靚剪號分分鐘都可以反過來執葉柳一劑、指控佢公開誣衊、並以名譽受損而要求賠嘗、到時就真係累己累人咯！嗱、對於曾經當過保安隊大隊長嘅葉柳嚟講、係唔應該犯這種低級錯誤嘅、係嘛？！

嗱、對大眾來講、以上情況雖然並不常見、但圈中人則見慣見熟。據圈中人阿邊個講、以上事件在圈內猶如家常便飯、勢力集團向尊貴提出要求、順者有冇好處不得而知、但逆者就肯定冇運行。阿邊個批評、葉柳不顧班𡃁嘅安全而博宣傳、是要不得的。就這件事情嚟睇、葉柳處事手法並不高明、而且會惹來不必要誤解。因此總舵一直不肯于予重用不無道理。基本上、人有優點亦有缺點。在老古董揸拂期間所見、葉柳嘅優點是敢於承擔責任和忠誠護主。當佢離開揸拂堂而轉去當尊貴之後、處處表現出喜怒形於色、胸襟不夠寬大、態度亦不夠沉穩。如此這般、佢嘅士途便被打上終止符號。所以在下經常講、人一生際遇係與個人性格掛勾、就係咁解。