新冷戰時代

不怕橫嘭嘭

總要自身硬

練成金鐘罩

無懼人發難

早前袋鼠家某網站向龍裔選民呼籲勿投票給豉油黨候選人、因為該黨是個反龍族嘅組織嚟。就係咁、便焫㷫咗身為豉油黨人嘅袋鼠家大佬嗎𠹭吞寶（下稱吞寶）指責紅家政治滲入他的家族、並效法太陽伯伯說袋鼠人民站起來了！這一齣鬧劇看係兒戲、但其實係花家要全面打擊紅家前嘅序幕戰嚟。江湖盛傳、自從花家情報部門向吞寶報料、指紅家用銀兩收其家人並進行政治滲透之後、吞寶嚴格限制家族成員跟紅家交往。豉油黨閣員指那些跟紅家稍有交情的政敵都是被收買的。即使是在野工黨首領跟龍族企業家一起吃飯之後、都要被問長問短問企圖、使得袋鼠政界人皆噤若寒蟬不敢張聲。當下雪喱、木吶薯、默魚砵等大教館皆出現反龍族標語、甚至有龍族留學生被侮辱和毆打。紅家駐袋鼠家總代理已經提醒留學生小心周維環境、有須要時馬上連絡他們。搞成咁，難怪有人擔心已被壓下去的排龍風氣又再死灰復燃了！

嗱、架仔奉花大叔之命去拉攏摩囉、袋鼠、安南組成菱形圍堵紅家、已是公開秘密。因為新一屆安南揸拂人不肯加入、才改為架仔、袋鼠、摩囉三家合力組成亞太戰略鐵三角將紅家圍困。當初無論是花家、抑式是架仔都不敢承認印太戰略是對付紅家的、但在12月11日花家大總管蒂辣心終於開口承認、印太戰略就是為對付紅家一銀一鐵而設的。袋鼠家14年一度的戰略白皮書總共提印太戰略120之多次、並指紅家在東海、南海、台海等水域構成軍事威脅、並要求花家保持着全球領導權。與此同時、歐洲嘅得意豬、亞洲摩囉星、台島等先後指責紅家政治滲透其家族。嗱、彷彿紅家在一夜之間就變得比花家更厲害嘅滲透專家。踢爆咗、無非係老番視紅家崛起形同洪水猛獸、而作出嘅過敏性反應。花大叔害怕嘅係、紅家建立嘅新遊戲規則會取待花家定下的那一套。西方不怕沙俄嘅核彈、就是怕紅家嘅銀彈。袋鼠家目睹南太平洋一眾島嶼家族為爭取紅家資金和技術上嘅支援而靠攏過去、便擔心失去在該區嘅霸主地位而捕風捉影。歐盟何嘗不是見到東歐十六家靠攏紅家而感不安嗎？架仔見到東盟靠攏紅家就起晒弶。摩囉星見到周邊小族（嚟撲魚、忽單、茱莉攤卡、掹加拉）都陸續靠攏紅家而發矛。嗱、所謂人怕出名豬怕肥、紅家須要面對嘅真正挑戰還在後頭。看來、新冷戰時代已經開始了！