痴瘋係得嘅

天生我才真係𠵿

執輸行頭賴你𠾍

素以硬膠作招來

有人願買你吹咩

黃亂小頭目戇痴瘋獲准擔保出冊辦理上訴手續其間動作多多。呢頭拼命唱衰大牢待遇、嗰頭又為取得參選垃圾尊貴權利而搞撕法覆核、最近又被傳出利用視象系統向獅子城傳播講獨訊息、累到網台台主違反當地「不得在未經批准之前與外國政治團體或個人公開論政」嘅法例而面臨牢獄之災。罪惡城部份媒體揶揄戇痴瘋是人皆喊打嘅過街老鼠嚟。

由於戇痴瘋與國際反紅勢力有曖昧接觸、使得部份媒體形容佢係快將退休嘅漢奸賣田李嘅接班人、仲揶揄佢所發表“如果當日暴民廣場唔係被縣府封咗、就唔會有衝擊事件發生”嘅講話、係將搗亂罪惡城嘅責任委過於縣府衙門。之但係、被神母會總壇燉冬菰嘅黃思堂大主教陳溢滾反駁、所有曲解戇痴瘋講話嘅人都係崇拜邪尊薩蛋嘅罪人嚟。只見大主教耷低佢個酸薑蕎、一面拼命眨眼、一面望着個地而念念有詞咁話、戇痴瘋是當今世上最偉大嘅黃太陽、屍想家、啜學家、格命家。陳溢滾仲指出、戇痴瘋只係將上面那句話講咗一次、知縣大人便隨即宣布重新開放暴民廣場給反派使用。大主教再三強調、戇痴瘋在花家主辨嘅世界五十個最駕勢堂猛人排行榜只能名列第十、委實難為咗佢喇！陳溢滾大主教自稱獲得神仙啟示、戇痴瘋將會贏得本城十大劣出青年第一名、繼而登上本城反紅堂香主寶座。到時就可以帶領所有信眾提早蒙旨寵召、先覆永享、受與天齊嘅喎！