為反對而反對？

不為反對而反對

只對權力有興趣

拉布勢在所必然

索之不成甘玉碎

有輿論指出、阿民長年玩拉布、完全係出於為反對而反對嘅心態。唔知各位街坊對此話有何感想、但在下就覺得十分荒謬？阿民是靠大眾支持才能夠生存的、街坊手上的一張選票就是他們的活命本錢、然而拉布明顯是妨礙民生議程、時間越拖得長久、街坊越是反感、形勢顯然是不利於阿民。因此阿民選擇走上拉布這條路嘅唯一解釋就是、說得好聽點是要分亨管治權、說得難聽點就是要奪取管治權。

從政治現實看來、阿爺奉行嘅政策是一家獨大、意思即係佢係莊你係閒。然而阿民偏要爭取由自己來打骰。咁你話嘞、阿民日日爭莊做、而阿爺又係都唔應承、試問阿民又點唔玩嘢？阿民之所以敢冒着天下之大不韙去跟阿爺爭長短、無非是看得出反對一家獨大在城中有市場。不過阿民似乎忽略咗一般人只會在精神上稍作支持、但絕不會挺身而出跟阿爺正面衝突、何況今時今日嘅阿爺已非「八狗六死」那時候嘅阿爺、他知到要擺平阿民挑戰絕不可操之過急、更不可以依靠武力去解決。當下施威利用綑綁方式將民生議題與政治議題串連在一起、總言之每當阿民玩拉布嘅時候、所有議題皆被窒礙。情況就有如早前勒令捕快不得以武力取締黃遮黨一樣、利用時間讓民憤發酵、當時機成熟才快速將之摺埋。

阿民滿意為施威玩綑綁必會激起民憤、但可惜事與願違。事情拖了數月依然未見有人跑出來向施威發難、反而對阿民嘅不滿情緒有升溫之勢。由此可見、民以食為天才是硬道理、根本上甚少人會願意勒住褲頭去爭取一些遙不可及的東西。假如阿民連咁都唔醒水嘅話、勢必如黃遮黨一樣為民所棄架咋！