2015年1月31日星期六

得不償失

落叠有凶吉
難分白與黑
接受難消化
拒絕冇腰骨

昨日涼茶大狀話、假如蟻民接受紫府大總管冧井所提出嘅「代住仙」的話、紅家會便可以向外界宣布紫荊堂新家規已經落實、而堂主施威便可以憑着假認受性加倍作惡、到時紫荊人就「係咁先」架喇!在下對涼茶大狀講嘅話向來都聽唔入耳、不過今次就覺得佢錯唔晒。主要原因就係、我亦曾經聽人講過、最驚就係由涼茶大狀憑着「真補丸」當上金紫荊揸拂人、佢就可以恃其權勢向花旗行善、將金紫荊嘅種植秘方贈予山姆大叔、到時紫荊人就得不償失架喇!

呢嗱、紫荊城無論禍福皆不離「真、假」兩個字。但到底何謂真、何謂假就從來無人敢於企出來加以界定。如果認同某些尊貴平日口噏噏、話自己係被群眾選出來才能夠體現民主嘅話、那麼點解有超過一百八十萬名市民簽名反對封街鎖路、他們居然視如不見呢?難道在他們心目中、一百八十萬人還不夠資格體現民主?說穿了、這就是矛盾所在、亦反映出人類嘅自私。因為有一隻名為「輸打贏要」嘅心魔已經在不知不覺間漸漸入侵並佔據人類嘅思想空間、而且直接將人類嘅視野和思維導向單邊化。

今天人人講價值觀、個個說公平、公正、公開、但顯現於人前的偏偏只係自私、自利、自閉。今日之所以人人都感到唔開心、無非是一個「騙」字。想重拾過去嘅歡樂時光唔係唔得、只係有太多人唔肯啫!

17 則留言:

  1. 而家每次見到涼茶大狀都會自然生起厭惡感,細心聽同思考佢講嘅邏輯,更會無明火起,唔怪得D人話大狀師戾橫折曲,會生仔冇屎忽啦。

    回覆刪除
    回覆
    1. 包拗頸、死都拗番生、乜都佢講埋、咁至算係金牙大狀嘅本色吖嘛!

      刪除
  2. 講一套,做一套,最怕就係見到呢種人!

    回覆刪除
    回覆
    1. 如果唔係咁就冇資格你政棍架喇!

      刪除
  3. 域兄晚上好,
    過嚟聽吓古仔先,

    補丸要買真
    假藥食壞人
    大狀無過犯
    面目卻可憎

    回覆刪除
    回覆
    1. 華娃兄你好、

      可憎唔打緊
      最緊要受滾
      人前將野扮
      賺足一百分

      刪除
    2. 兩位好詩,好詩!拍掌叫好!
      好詩妙絕笑死人。呵呵!

      刪除
  4. 個個都有自己個套,自己個套先係最正喎!
    該煨,賣街邊咁!

    回覆刪除
    回覆
    1. 我剛剛見到有人在街邊賣假貨、但係佢就一口咬定百貨公司裡面賣嘅至係假貨。呢啲咪就係騙人先騙自嘅最高境界囉!

      刪除
  5. 回覆
    1. 冇所謂嘅、呢啲就叫各有各精彩喇!

      刪除
  6. 最簡單睇吓花旗國就清楚晒喇! 佢反對日本同恐怖份子妥協,但就被傳媒揭發曾同伊拉克叛軍交換俘虜,佢嘅解釋係已經將伊拉克叛軍喺恐怖份子名單中剔除咗喎!所以喺政治上根本沒有公義 ,只講利益!自己做嘅永遠都係對嘅!

    回覆刪除
    回覆
    1. 從前花旗訓練拉登對付中東異己、點知被人家咬重轉頭。今日又壓史重演、被自己培植出來唔ISIS咬番轉頭。記得年前希拉莉親口承認過花旗係ISIS嘅金主、大概冇得抵賴。君不見ISIS不獨只殺西人、更多的就是殺十葉派回教徒。養一條狗去咬另一條狗、根來就是花旗對付敵人嘅慣用手法。日本政府是刻意讓ISIS殺其公民、只有咁日相才能夠取得國會同意出兵海外報服。只要做成前例之後、日本就可以擁有出兵海外嘅平台。安屁呢條狗公野心唔少架!

      刪除
  7. 有一百八十萬人簽名都唔當係民主,只係識得攻擊發起簽名的人,話人家擁有外國護照。
    而他們走去與外國打交道又為何不計呢?政治都是卑污的,不公道。
    莘莘學子們是國家的未來棟樑,可惜早已學得這種有己無人的態度,真是可悲可嘆!

    回覆刪除
  8. Louis 好~
    新年快樂!祝願你踏入羊年事事順意!時刻健康快樂!^^
    Kanis 返港過年很忙很忙,加上狀態麻麻,到現在才有精神跟大家問好。
    但願你有一個稱心美麗的喜洋洋春節!ヾ(●´▽`●)ノ

    回覆刪除