變幻是永恆

你願彈琴我唱歌

衷誠合作冇囉唆

一朝發難人走遠

世事如斯莫奈何

自從紅家會大當家就位以來、管理地方堂口嘅手段變得越來越強硬。前任大當家對紫荊堂嘅管理尺度比較寬鬆、但自從紫荊堂爆發內訌之後、當今的大當家便一改常態、除了加強操控之外、而且實施「順者生、逆者死」嘅鐵腕政策。由其是今次在訂立新遊戲規則方面更加是一句到尾、毫無商榷餘地。

江湖上八大幫卻不以為然、他們聯手對抗紅家會、並聲稱若不把新遊戲規則推倒絕不罷休。不過據一般估算、八大幫的做法其實是有姿勢無實際的。因為一向投機取利嘅番幫見八大幫上次揭竿失敗之後便關上水喉、而且來自活躍於長江流域嘅三工幫亦停止泵水。試問連個荷包都變得乾硬化嘅時候、那裡還有力氣去拚命？江湖上流傳、對八大幫十分倚重嘅三工幫人馬在宮廷鬥爭遇上連番挫折、而且有數以百計名重心人物被拿下、目前正在處於江河日下之勢、因此已無餘力照顧八大幫。就係咁、八大幫忽然之間就變成了棄嬰。因此有人估計到決勝時刻八大幫之中必有人倒戈。

歌都有得唱「知否世事常變、變幻才是永恆」吖嘛！當日充當紅家會與番幫溝通橋樑嘅人物、今日毅然將其主力遷往番幫、都可謂人算不如天算。試問誰又會知到明天將會有何變化呢？