2015年1月23日星期五

講數為上



有數應當講
無須拼命闖
一人行一步
你爽我又爽

自從紫荊堂揸拂人提出、將第二輪遊戲規則改革咨詢擺上台之後、八大幫會表明勢要將方案否決。換言之「篩普選」不會來、紫荊人渴望已久嘅「舉手權」亦不能實現。究竟點解紅家會與八大幫會之間總是水火不相容的呢?說穿了、無非是權力出了問題。

目前形勢十分清楚、首先是紅家會信唔過紫荊人而寸步不讓。其次是八大幫會所求不遂而不斷發難。其實大家都知到這樣僵持落去是永遠無法找到出路、對誰都沒有好處。呢嗱、你知我亦知、呢個世界上係冇免費午餐嘅、要得到就必先要付出。因此解決問題嘅辦法就係條件交換、在你情我願之下各得其所。既然已經知到問題嘅關鍵所在、咁就有數講啦!只要大家都願意付出點點代價就得架喇!

今次紅門方面既然有人吹風要引入「各安法」、那麼八大幫會何不食住上提出反建議、以「各安法」去換取「公平競爭權」、睇吓點呢!原則上「各安法」比起「廿三味」更加攻鼻揦脷、對紅家會來說肯定有吸引力。如果咁做能令公平競爭權落實嘅話、紫荊堂以後就太平架喇!無疑「各安法」對八大幫會來講是一種絕不簡單嘅制肘、但如果係身家清白嘅話、就冇有怕啦!係嘛?問題是就算你肯、但人家都未必願意。呢嗱、以上只係一個個人意見、如果你話有更好嘅主意那就更好!因此、各方面都須要坐下來、飲杯茶食件餅、然後攤開條數出來慢慢的一五一十拆掂佢囉!千祈咪話冇偈傾、話講得太死、對大家都冇着數架!知冇?

11 則留言:

  1. 八大幫會中人身家清白?咪講笑啦。
    要火鳳凰重生,可能要等下次喇!

    回覆刪除
    回覆
    1. 雖然有報導有人收取黑金、但連巡捕房和清天衙門都懶理、可見傳聞真確性存疑。所謂世事難料、也許事件會有出人意表嘅進展都未定架!

      刪除
  2. 如果園地踏步又好唔好呢?

    回覆刪除
    回覆
    1. 其實真係冇乜所謂架!從前未有過嘅嘢、即使今日不來亦說不上有損失吖嘛!

      刪除
  3. 講數我唔會,講價勉強可以!

    回覆刪除
    回覆
    1. 哈哈、能議得好價者、就是高手喇!

      刪除
  4. 回覆
    1. 我都好想知到、究竟那裡有真正嘅民主。

      刪除
  5. 其實兩件籌碼都係單方面推出
    好難說是用一件交換一件來做交易
    因為喜歡食蘋果嘅人
    根本唔會從兩個橙之中去選擇

    回覆刪除
    回覆
    1. 閣下所言甚是、有些傾向確實是改不得的。不個總能夠找出妥協辦法吧!

      刪除
  6. 域 SIR,皆因不妥協有巿場,所以大家都抱著:敵人反對的,我們就要擁護;敵人擁護的,我們就要反對。總而言之,我不理會你建議什麼,我的立場都係反對!喺垃圾局內,唯一有共識,大家都讚同嘅,就係齊齊加薪!

    回覆刪除