2015年1月7日星期三

點到你唔還?



既要打衝鋒
又愛逞英雄
萬般不畏懼
何以怕刀鋒

先不講戰中誰是誰非、但見到那群言行不一嘅搞手和政棍實在令人嘔心。在戰中未開始之前、戴教頭到處氹人落叠嘅時候、話明戰中是愛與和平的結合、打不還手的、罵不還口的、任拉的、任鎖的。但係結果係點嘅、睇怕無須多講喇!事到如今成班搞手和政棍人人左閃右避、個個企圖抵賴。例如有人向搞手追討賠償時、戴教頭居然妄想將個波踼入高級法堂。幸好大法官精明、一眼便看出有人企圖以昂貴訴訟費用迫使追討人士卻步、所以拒絕其要求。現在巡捕房已經展開拘捕、華文大武館學徒會坐館賢四哥表示、恐怕拘捕會影響來屆科舉成績喎!

回想當日那群學徒大哥大姐們不理家長反對都要跑上街頭晒冷兼打地氣、甚至有人為咗參加戰中而將親生嬰兒拋低而不顧。現在才害怕被人秋後算賬、現在才想起考取科舉嘅重要性?喂喂、遲唔遲啲呀?假如留個案底嘅話、中科舉都無用武之地啦!你哋嘅康秘書唔係早就講過、如無民主即使中科舉都冇用既咩?從整個戰中過程看來、相信連阿茂都睇得出戰中一開始就被有心人騎劫、以致原來意義盡失。戰狼三伯本來就不是將才、當然無能力去控制一群血氣方剛嘅年青人。然而年青人一旦被人擺上台而成為大眾英雄人物嘅時候、人就會變得飄飄然。在虛榮心驅使之下、明知被人利用亦不以為然、結果咪搞到泥足深陷無法自拔。最慘嘅就係、雖然功敗垂成、但係點都唔可以在大眾面丟假吖嘛!呢啲咪就係人在江湖身不由己囉!明未?

呢嗱、事實已經十分清楚、這個世果係冇免費午餐嘅、既然食得落肚、就必須預咗要埋單。各位學徒大哥大姐、你哋準備好結賬未呀?

17 則留言:

  1. Louis Rick*¨☁•º°*早晨+黃昏好¨☀*¨☼
    大埔區天氣OK呢...太陽出來呢
    嘻嘻♥*¨❤•話咁快又星期三喇喂♦。*❣
    又來快樂出門行街喇喂...886

    回覆刪除
    回覆
    1. 神鳳晚上好、續繼 happy 啦!

      刪除
    2. 神鳳天天都 Happy 架!晚安甜夢啦。

      刪除
  2. 食得醎魚抵得渴,就係有好多人,明知冇好結果,都係受唔住引誘,去左先算。

    回覆刪除
    回覆
    1. 其實今次都可謂搬起石頭砸自己對腳喇!

      刪除
  3. 唔知果的打起黃傘領文憑,被正義校長拒頒的學徒大哥大姐,最終又如何?!

    回覆刪除
  4. 域兄晚上好,
    今日你找咗未? ( 某廣告)

    秃鷹開始要鋤奸
    情況睇嚟唔多盞
    是否雷大雨點小
    大家就要撐大眼

    回覆刪除
    回覆
    1. 華娃兄晚上好,

      人說鋤奸似在玩
      聽落確係唔多盞
      形勢看來似低調
      其實準備將之剷

      刪除
  5. 希望真喺可以同佢哋打包啦?最怕去到髪官到 , 又輕輕放生他 / 她們了

    回覆刪除
    回覆
    1. 雖然有與論認為紫府會避重就輕、但在下覺得一家唔係咁、大家不妨拭目以待吧!

      刪除
  6. 其實香港政府裏面有一現象,也就是老年化,做起事來總拖泥帶水,又怕會唔會揹鑊,而且有些人就快又到咬糧(禿鷹),仲更加唔會得罪啲權貴,因此咪咪卸得就卸,推得就推!

    回覆刪除
    回覆
    1. 以其說衙門內部人事老化、不如說是姑自養奸更為貼近。避些一定有戲睇。想睇好戲就要多等一會矣!

      刪除
  7. ~~戰中是愛與和平的結合、打不還手的、罵不還口的、任拉的、任鎖的~~ 講吓之嘛,如果相信嘅話,咪戇居囉!精人出口,笨人出手咪係咁嘅意思囉!

    回覆刪除
    回覆
    1. 飛獵兄、你說得對、事實證明有人一開始就講大話....

      刪除