紫荊大武館風雲錄

副教被狙擊

館主着其息

此地既無銀

諸君何太激

最近紫荊大武館有消息傳出指、法術學院副教頭大腰亭自從被一把從天而降嘅黃雨遮掟穿咗個頭之後便精神彷彿、而且經常產生幻覺、所以向館方請假半年以調養身體。但亦有人話、自從大武館收受大副教轉交嘅一筆為數一百四十五萬両（據稱其中部分銀両是晒冷大行動前期研究經費）匿名人士捐款曝光之後、大武館便成為包藏禍心嘅眾矢之的、再加上愛字派嗰幾路人馬以車輪戰方式輪流上門叫囂、以致大武館承受到前所未有嘅巨大壓力、因此館方便將大副教這隻焫雞暫時調離工作崗位以避風頭、希望能夠讓事情慢慢淡化。

坊間一直流傳着、大副教嘅銀両是來自生果欄大亨拂佬英的、而豬腰明道長只屬掛名金主。不過最近又有消息指、銀両嘅真實數目與公布出來的有很大出入、而被指為金主的拂佬英原來亦只不過是中間人。注於銀両嘅真正數目和真正金主誰屬、到目前為止依然是個迷。雖然有證據顯示山姆大叔曾經捐出兩千萬両支持晒冷大行動、但有專家根據現場遺留下來嘅垃圾作出評估、指物資供應數目實際上是兩億両以上。由此可見山姆大叔亦非唯一金主。因此、早前在江湖上盛傳“一個活躍於長江流域和東南海嘅神秘幫會、以及城中某幾個武林世家也曾向晒冷大聯盟提供巨額捐助”嘅消息未必不可靠。

俗語有話、臭屎密冚吖嘛！對武林政治稍有認識嘅人都知到、無論上述傳說是真抑或是假、恐怕永遠只能是一個沒有確實答案嘅傳說而矣！況且大副教絕唔係靠自己打得、而係身後有幾條大杉撐硬佢、如果有人以為可以趁今次機會做沉佢嘅話、那未免太過樂觀。因為有人認為不值得為做沉區區一名二打六而令到更多污糟邋遢嘅嘢浮上水面、同時那群一心想做沉佢嘅人又多是能力不足之輩、所以到最後大武館依然係包藏禍心之地、而大副教則照舊揸住碌搞屎棍亂咁舞、一切冇變嘅。信不信由你喇！