言論自由也有代價？

言論自由有代價

否則人皆冇有怕

西方侮辱回教論

惹來土彈周圍炸

近日紫荊大教館大學徒會出版的一份叫「鶴丸」嘅刊物被縣太爺點名批評涉嫌煽動「講讀」之後、白鴨幫幫主瞓街姐馬上企出來伸張正義、並嚴詞斥責縣太爺打壓言論自由。冇錯、言論自由是人民應該享有嘅權利、之但係是有代價的。一向崇尚言論自由嘅北劣顛國在多年前出現了一部叫「殺蛋的詩編」嘅書惹得全球回教徒憤怒、而波斯國教主亦頒發全球追殺令追殺有關作者。事隔多年發難西國的一份名為「查你周報」嘅刊物涉嫌以漫畫形式諷刺回教先知、結果其出版社受到炸彈襲擊、並當場炸死十數人。從以上事件看來、足以證明言論自由的確是有代價的。

紫荊城打壓言論自由並非新鮮事物、早在五六十年代城中黑幫遍地開花、新成立幫會數目之多、可以講得上是前所未有過的。黑道中人為着確保不會被人混水摸魚、通常都是以一此特定嘅語言、詩句、手勢、以及埋枱講數時以碗筷等食具罷陣作溝通的。當時巡捕房亦成立反黑組專門對付黑幫非法活動。如果探員發現有人在公眾地方以上述方式溝通就會馬上將之拘捕、並控以在公眾地方從事三合會活動和身為三合會成員等罪名。當時政府雖然並無禁止市民講黑話、但當有關人士被發現從事這些活動時就會被拘捕。照咁睇嚟、當年政府豈不是涉嫌搞白色恐怖和打壓言論自由？可惜當時未識瞓街姐、否則黑幫人馬就可以堂而皇之在馬路中間開張枱講數都冇有怕喇！係嘛？！！