2015年1月13日星期二

求屋若渴



不要祝福須要屋
你上酒樓我食粥
豐儉隨緣安樂過
有瓦長遮便是福

最近一期居屋伸請人數大大超額十五倍、有年青夫婦伸請者被記者訪問時表示、不會計較間格、座向、甚至對正垃圾房都有所謂、能夠中簽就是好。由此可見市民對長久安身之所嘅須求是何等急切矣!跟據統計、在過去八年期間小型樓宇價格升幅188%、而同時期住戶每月入息中位數只增 30%、試問兩者之間差距行其遠?

事實勝於雄辯、由76年至9620年期間工資中位升幅累積是139%、而大歸後至今中位升幅累積為14%。由此可見大歸後打工仔收入確實大不如前、基層生計掹掹緊、莫講話私樓買唔起、甚至供居屋都非常吃力。雖然要三餐食飽並不艱難、而難就難在到底要怎樣才能夠活得安穩。在薪金與樓價此消彼長之下、人們置業嘅機會越來越渺茫、然而申請公居不知要到何年何月才輪到自己、買居屋又難過中六合彩。試問在咁情形下、人們又點豈能不擔心到自己臨老唔過得世?就是有這麼樣的憂慮、要求退休保障嘅呼聲就越來越高吖嘛!假如人人有個殼嘅話、人心自然比較安定、無病呻吟自然會減少、社會亦會變得和諧一些架喇!因此唔該政府 and 政客減少私心、多做公益啦!好嘛?!

所謂刀冇兩頭利、要穩定基層就必須增加公營房屋、而受到負面影響當然係地產市場、所以肯定會受到既得利益者極力反對。或許城中某位大老闆將公司合併後再遷冊別處就是一個警號、但政府是必須要認真的去面對這問題。注於點樣去平衡各方之間利益、薪高糧準嘅官老爺當然係責無旁貸。所謂早着先鞭、惟有望政府盡快部署好去化解危機、以降低社會上嘅怨氣和矛盾。

21 則留言:

  1. 不如將政府總部長期搬到一楝公屋單位內辦公
    讓眾官員親身感受公屋户的切身生活

    回覆刪除
    回覆
    1. 妙極啦、咁做還可以節省「門常開」那筆巨大開支添!

      刪除
  2. 域兄晚上好,
    做人難, 難做人, 人難做, 做又俾人鬧, 唔做又俾人鬧,
    想當年董事長要每年起八萬五間屋, 冇耐樓價跌咗一半, 上咗車嘅就鬧到媽媽聲, 未上車嘅就唔敢上, 到煲呔年代就坐定定响到, 乜都唔做, 結果樓價起番喇, 起到好似飛咁, 搞到未上車嘅又鬧到媽媽聲,

    冇瓦遮頭
    確惹人愁
    三餐昜搵
    一屋難求

    回覆刪除
    回覆
    1. 華娃兄、成班炒家佔據話事堂嘅議席、鬧爆是無可避免。不過如果當年老洞夠狠的話、大可以爆班友仔大鑊、睇吓班友仲有冇咁多嘢講?

      話難不難
      只惹麻煩
      如惹夠薑
      看看誰殘

      刪除
  3. 居住問題困擾香港幾十年,問題是越來越嚴重,政府要重視。

    回覆刪除
    回覆
    1. 所謂成也話事堂、敗也話事堂。只要搞掂堂中那群二打六、就能見到康莊大道矣!

      刪除
  4. 安得廣廈千萬間,大庇天下寒士俱歡顏,風雨不動安如山!嗚呼!

    回覆刪除
    回覆
    1. 話事堂有炒家、行企會也有炒家、如此種種確實柯哩吉帝!衰哉!

      刪除
  5. 最近有某議員譏笑大學生申請公屋,世界上有多少高學歷的人甘願向下流呢,只是香港寸金尺土,有高學歷唔等如有高職位,有高職位也不等如買得起香港寸金尺土.

    回覆刪除
    回覆
    1. 所謂物以罕為貴、大學生也一樣。從前城中只有一所番文大學、大學生極為衿貴。後來加入華文大學、大學生嘅矜貴開始貶值。在回歸前後就隨街都是大學、所以大學生不再衿貴、甚至如歐美等地一樣、連做待應嗰得都係大學生。注於工資這方面跟全世界一樣“官商政”三方勾結、收入基本上永遠跑輸通賬、加上我哋紫荊城樓價跑在世界之先、所以咪搞到人都癲囉!

      刪除
  6. 我以為CY上台,會穩住樓價,估唔到重衰過以前! 議笑大學生申請公屋嗰位正癈柴議員,唔該佢睇睇,依家就算月入3,4萬一個月,都未必有能力買樓喇!

    回覆刪除
    回覆
    1. 其實誰坐上揸拂人個位都沒甚麼分別。正所謂唔益老李益都陳吖嘛!若希望環境有變就真係唔使嚟。不過時勢是可以幫得到手嘅。今時今日城中怨氣就爆就爆咁款、阿爺第一個感到不妙、所以施威惟有奉命行事、既得利益者不滿可以躝屍趷路、咪搞禍阿爺檔攤。呢啲咪就係大是大非囉!

      刪除
  7. 域Sir, 高地價政策唔掂,,低地價又唔得,樓價跌負資産帶動整体貸款危機,到時銀行排隊等執笠,高又死時低又瓜。

    回覆刪除
    回覆
    1. ng Wai 晚上好,
      十分認同, 高地價政策樓價一定唔會平, 低地價起好嘅樓亦未必平賣, 樓價跌負資産銀行會向業主追收差價, 樓價升市民又買唔起樓, 要問吓域兄有何高見?

      回覆刪除

      刪除
    2. 華兄,晚上好,
      2007年12月我一家人去花旗旅行,先玩完三藩市後到洛杉磯跟當地團去拉斯維加斯和大峽谷四天團,一上車時導遊同我們講,大家好,講一單新闻比大家聽,花旗銀行執笠聽得多,不過賭場執笠是第一次,拉斯維加斯本來有賭埸168間,上個月執咗一間,得番167間,原因是次按和樓價大跌,帶動資金鏈斷列,

      我冇留心聽他講,若果我醒目知道老美影響力咁大,跟住個金融海嘯,席捲全球,恆指由315跌到115,我都發咗啦,溫故知新,若果香港樓價大跌,唔同花旗佬房價跌,對全球根本冇乜影響,慘的只不過香港人.

      刪除
    3. ng Wai 晚上好,
      當年董事長話要香港政府每年起八萬五間屋, 在下因响應而在最高價上車, 冇耐樓價跌咗一半, 變了負資產, 反而我的家人( 弟妹姨舅) 全在當時低價上車, 現今才不用做冇殼蝸牛,

      刪除
    4. Wai 兄、華娃兄、大家好、
      水漲船高、地產商不怕地價高、因為羊毛出自羊身上。政府不怕樓價高、因為水漲船亦高、有死班窮鬼死之嘛!其實政府要控制樓價絕不難、只要政府別將住居當成一般商品看待即可。當中梗有既得利益者反對、但凡事都應該有個譜、食得太飽一樣會搞出人命吖嘛!如無估錯「人仔」災就快爆、而樓災越行越近矣!信不信由你喇!

      刪除
  8. 回覆
    1. 哈哈、雖然在不並無看過那套劇、但曾在互聯網看過許文彪控訴的那一段、他的確道出小市民心聲!

      刪除
  9. 貪婪與恐懼,係人既天性,在股市和樓市都一樣,今日瞓身都要買樓既人,唔知過幾年之後又會點諗。

    回覆刪除
    回覆
    1. 如果買樓只為住嘅話、顧忌肯定會少些。其實人生就是一場賭博、無論你是否同意都要賭下去。

      刪除