講台無王管

角色搞不清

紀律欠嚴明

老爺皆廢物

嘩鬼哄天庭

早前燶樹根在公社大喊十、指孖葉電台日日罵紫荊府衙、建義紫府唔好再同佢哋續約喎！呢嗱、燶樹根可能入行入得遲、唔知到孖葉電台罵阿左已經維持半個世紀咁耐。在六七爆亂期間、孖葉電台大丈夫林君日日罵阿左、後來涉嫌遭遇報復、在駕車返工途中被人淋電油、連同搭佢順風車嘅弟弟一齊葬身火海。自此孖葉電台便跟阿左結下不解之仇。當今時移勢易、角色易轉、惜日嘅阿左搖身一變、成為今日金紫荊支柱。試問孖葉電台唔罵紫府、唔通罵民仔咩？

坦白講、以其整死孖葉電台、倒不如殺咗自己個殘台好過啦！紫荊講錯電台係公家電台、裡面嘅員工亦份屬公人、理應接受守公人守則約束和做好本份、將最好服務送給市民大眾、當年前殖民時期如是、今天大歸以後亦應如是、無論由誰來執政都不應改變這個格局。之不過大歸後嘅講錯電台員工雖然仍舊是公人、但卻擁有不須遵守公人守則嘅特權。他們可以明目張膽偏袒某一方政治勢力利益、而陷紫府於尷尬境地之中。若是其它部門嘅公人言行令政府尷尬嘅話、恐怕早就被格扯咗。由此可見講錯署這個部門實在大有問題。假如這個電台是商辦嘅話、有自己嘅政治立場倒無所謂、因為佢哋並唔係由納稅人供養吖嘛！之不過講錯電台是一個由納稅人供養嘅公家電台、絕不能容許有人任憑一己致治立場為所欲為、因為咁做必定引起不同政見立場嘅納稅人不滿、甚至會給予人一種紫府管治無能嘅感覺。所謂家有家規、國有國法吖嘛！點解講錯署長官有例不依、任由員工胡作非為？點解長期以來、有關司局長對這問題視而不見？究竟官老爺是無能為力、抑或是無心將問題解決？這個問題實在直得深思。