2014年12月16日星期二

鳩嗚之迷



鳩嗚不鳩嗚
志在打招呼
若問何所以
年晚燉冬菇

自從佔中摺埋之後鳩青幫抬頭、星期一至四小組慢步阻頭阻勢、星期五、六、日則大堆頭堵塞交通、圍堵店鋪假鳩嗚、所經之處商鋪紛紛關門謝客、十足十無牌小敗見到販管隊走鬼唔做生意一樣、搞到年晚流流冇啖好食、都可謂慘淡經營矣!究竟這幫人點解要咁做、其真正目的又何在呢?

江湖傳聞指鳩青幫是一枝專業顧傭兵、其真正任務就是要搞垮佔中。其組織有別於射蚊連和拳頭幫等激進派、亦不屬於飯盟轄下幫派、甚至有人把這幫人形容為反飯盟族群。他們乘着佔中而崛起、而且成功奪取旺區主導權、並形成金、旺、銅三大佔領區各自為政局面。注於從事鳩嗚這種令人生厭嘅行為、是要加深人們對佔中嘅惱怒、從而將戰狼三伯、孖學、飯盟等通通打落十八層地獄去。注於此傳聞是否可靠、尚有待證實。不過另有消息指、除了幫主牛達之外、還有三名幕後主腦人物是來自飯盟的。這些人準備以激進方式為來屆公社大選造勢、企圖在公社豎立一股真正地頭化嘅激進力量。

飯盟在佔中抽水失敗之餘連個朵都臭埋、以致支持律不斷下滑、而幕後老闆對他們進退失據嘅表現甚為惱怒、都可以講得上是賠了夫人又折兵矣!假如他們繼續黏着孖學班細路嘅話、只有死路一條、明年區選定必大敗、到時電制派連多謝都冇聲又增加議席。咁就真係冇眼睇喇!

11 則留言:

  1. 你呢個消息確實非常獨家! 政治不是請客吃飯,不是繪畫綉花,也不是造文章! 而是各路牛鬼蛇神,挖空心思,混水摸魚,以圖獲取最大嘅利益!

    回覆刪除
    回覆
    1. 有利益就有人去爭,根本唔理得其他人會死……

      刪除
    2. 政治乃是世上最污穢嘅玩意、啥事也可能發生的。

      刪除
  2. 雖然飯盟整體支持下降,不過內裡卻是有起有跌,盟主幫個癲雞乸仲要連任,輸得最慘烈,而拳頭、鐵血幫可能有進賬呢。

    回覆刪除
    回覆
    1. 如果在不估算冇錯、下屆大選將會爭加一個激進幫會入局、而大輸家就是白鴨幫和大撞幫矣!

      刪除
  3. 好友•*☀早晨+黃昏好⊹☁*゚笑嘻嘻*星期三
    ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı*゚♫*♬°•♩。♪開心萬事得・。
    喂喂喂...大家留意天氣…今晚開始寒冷呢
    我去街市買餸先啦ღ•*♡快樂¤*¨⊹生活♥*¨❣•享受。・゚゚❤

    回覆刪除
  4. 幫派太多, 好難收科, 搏亂扯旗, 煽風點火.你明佢暗, 志在闖禍, 妖孽橫行, 樂土不再.

    回覆刪除
    回覆
    1. 睇嚟、所謂政治鬥爭無所不用其極、原來係真嘅。

      刪除
  5. 域 Sir,剛聽網上電台一節目,戴教頭仲話要泒員參選立法會喎,正式是百足之蟲,死而不彊.

    回覆刪除
    回覆
    1. 大教頭滿心以為有免費午餐就一味口噏噏當私笈、佢現在已被幕後老闆炒魷啦!試問在五行欠水之下、憑啥去擺人入議會?

      刪除