今非昔比

昔日沖天一條龍

今朝慘變鼻涕蟲

你問香江何處去

我拿舊事發噏風

人家洋總督自講、咱家縣首又係自講、但人家洋總督就能一呼百應、而咱家縣首則是一呼百「」。雖然大家同樣是為國家利益而辦事、不過人家就掂過碌蔗、而咱家就乜凌乜斜。點解兩者之間嘅差距會咁遠、究竟係紫荊人爛泥扶唔上壁、抑或有其它因素呢？

前人有話、如果要班妻妾人人循規蹈矩、個個安守本分、那就千萬不可給她們吃得太飽。因為女人吃得太飽就會唔安份、到時男方就會變成綠巾蒙頭嘅龜孫子王八蛋。這句話被今人理解為歧視女性、但如果套用在管治方面倒是恰當的。英吉列人管治紫荊城百多年奉行的是“服我者給予紅蘿蔔、不服我者就給予棍打”的一套家長式管理、從來不給與民眾太多選擇權利、由其是在政治方面更加是個禁區。之但係在英吉列人撤退之前忽然打破過去百年以貴族管治香江嘅常規、派遣肥彭這名超級政客來當總督。肥彭一到步就要將香江城嘅政治模翻雲復雨、並與當時嘅兩廣巡撫白頭平鬧翻。正當在肥彭將行企勒法兩局分家、並將一言堂式嘅勒法局改變成為「代爾政制」議事堂之同時、白頭平亦宣布另起爐灶籌組臨時勒法會。從那時起、本城就開始陷入政治對抗狀態之中、而香江議事堂亦演變成為今日嘅紫荊演武廳矣！

在殖民時期嘅紫荊城、但凡身家不清白者、莫講話無資格進入行企和勒法兩局、即使想在衙門找差事都冇資格、但在大歸之後連犯過刑事罪行嘅人物都可以擠身府衙和議事堂。咁、你話嘞、彼此間嘅差距何其遠？再退一步講、殖民政府之所以能夠成功的推行「以華砌華」政策、無非是英吉列在用人方面十分僅慎、一向皆主張寧少勿濫、並且設有一個查三代嘅部門去監察所有被起用之人、確保所有人都死心塌地的去維護英吉列人嘅利益吖嘛！反觀今日、紫荊府衙拉雜成軍、莫講話做不到知己知彼、而且還要姑息養奸、更不堪的就是連揸拂人都靠唔住吖嘛！單是這一點已經比不上英吉列啦！係嘛？之不過、當年兩江巡撫缸瓦王大人就唔同意、佢話只不過係紫荊人不曉得當家作主喎！呢嗱、呢啲咪就係政治囉！怕未？