2014年12月10日星期三

政治使人迷失本性

荒唐教授玩泥沙
教出徒弟自當差
政府時常添渾賬
尊貴胡扯斷大牙

呢嗱、戰狼三伯一心以為利用班後生仔替他們打一仗以圓其春秋大夢、殊不知那群血氣方剛嘅後生仔居然陣前食夾棍、打着戰狼三伯嘅正黃旗旗號自把自為、結果氣得三伯拂袖而去。正所謂蛇無頭而不行吖嘛、自三伯離開戰區之後正黃旗下嘅大生會及神蜂思潮兩幫人亦開始互爭奪領導地位。結果兩頭唔受中間受、領導大權落在早已潛伏其中嘅黑旗幫和激進派人馬手上。正當激進派挾大生以令黃旗軍之際、而溫和派亦將神蜂牽到另一邊實行單打獨鬥。雖然三水金主拂佬禮眼見此情形已心知不妙、但為着交足功課、亦惟有繼續留守在金區觀戰台。

由於時移勢易、本來向正黃旗放水的(遠洋、中土、本地)三個水龍頭均先後被關掉、因此拂佬禮亦無須再做戲、馬上收拾自己個神壇撤出金區戰場、留低成支旗自生自滅。目前戰線上的糧草已經所餘無幾、即使巡捕房不清場、黃旗行動亦難以為繼。因此激進派早前已經開始由灘頭佔據轉化為鳩嗚突擊戰。問題是鳩嗚仔好搞唔搞、偏偏要去搞當地嘅橋夫站。難道鳩嗚仔唔知到咁搞法、等拆當地「保安公司」嘅招牌兼撩鬼攞命嘅咩?日前有傳聞指某黑旗幫頭目現身旺區、並以手機遙控鳩嗚行動。因此有理由相信可能是涉及黑旗與黑旗之間嘅利益之爭、外人實在不宜踩隻腳落去。在下奉獻各位非黑旗中人嘅網民一聲、千祈咪盲舂舂跟人去亂闖、分分鐘替人墊屍底架咋!

令人費解的就是盲巫淨和木奶缸兩大尊貴、居然明目張膽為鳩嗚仔抬橋、而糟質巡捕房。盲巫淨就鳩嗚仔圍堵橋夫站一事、指巡捕房要對付嘅唔係鳩嗚仔、而係違例拍橋嘅橋夫、而木奶缸就要保安大隊長解釋、巡捕房提交有關網上號召鳩嗚嘅資料是否有忍瞞。在下很懷疑、究竟這兩個人是否知到自己正在與民為敵呢?難怪有人話、今日議事堂聚集咗一群專門為反對而反對嘅飛嗚(廢物)之眾啦!

明日就是金區清場日、輿論機乎一致認定頑抗難免、甚至會流血收場。假如係咁嘅話、即是被在下一早預料嘅「所求不遂、流血收場」所貼中。不過我寧願跌眼鏡拆招牌都唔想見到咁嘅情況。但願大家都能夠理性一點、讓此事和平結束吧!

8 則留言:

  1. 好友º°*•☀黃昏好⊹☁*゚快樂星期三•*♡

    回覆刪除
  2. 域兄晚上好,
    希望香港的一群領導人經此一役後能有所作為,

    佔中成漸終
    明日便揭盅
    一場大龍鳳
    結果轉頭空

    回覆刪除
    回覆
    1. 華娃兄晚上好、在下相信在短期內、縣府會做一兩件討好市民嘅事、但長遠計還是須要一得和平發展嘅環境的。

      佔中壽已終
      搞者變殘蟲
      惹來秋後雨
      委實大湖塗

      刪除
  3. 香港實在有太多民怨,解鈴還需繫鈴人,若不在源頭堵截、不清理那些政棍,訟痞,官廢,不鏟除壟斷利益者,一切仍會繼續紛紛攘攘!

    回覆刪除
    回覆
    1. 遠嘅唔講、就講啱曾在位七年多裡面已經民怨沸騰、今日嘅事只不過是上正場之前的預備短片、恐怕更禍嘅事陸續有來。

      刪除
  4. 香港議員啲質素好低,有啲走去撐旺角購物團;而李卓人同部份泛民,喺金鐘清場前就站台抽水,成為忠義化身,嗰種咀臉,令人反胃!香港人好精,點會流血收場咁老襯?

    回覆刪除
    回覆
    1. 今日李工頭個花朵紅遍政壇、之但係又令唔少選民敬而遠之、下次大選就會有分曉架喇!

      刪除