喪普又反口

老鷹立心要屠龍

城中二五作幫兇

且看神龍攻定撤

若能闖過便稱雄

呢嗱、蠱惑仔講數只要合符利益就互相信守誠諾、呢啲叫作和氣生財吖嘛！唯獨是喪普係毫無信譽可言。上次跟紅家取得共識之後如今又反悔、並在其代表團起程前往紅家作進一步跟進嘅前夕、重提向五百億紅家貨品徵收25%關稅。喪普咁做、分明將前面雙方嘅默契全盤推翻、還原基本步重頭再𦧲過。所以話啫、同呢種人交易確係心血小啲都被佢氣死。老實講、如果花家真係咁有底氣嘅話、就唔會嘥口水跟紅家嗲來嗲去。假如我係閘王就趁佢病攞佢命、企硬同佢「鍊」一鋪、看看誰的命夠硬。

黑心政棍

政治迷心竅

煩擾各自招

目中無善惡

惡行赤條條

呢嗱、在這個世界上最黑心者、莫過於政棍矣！在戰中期間、涼茶杰那句「不守戒、不等同不尊重戒律」已經夠晒耐人尋味。當戰中三條𡃁被判入冊時、戇Q揚那句「坐過牢嘅人、將會活得更加精彩」就更加令人匪而所思。之但係、前二者在五愛二面前只屬小兒科而矣！因為佢哋嘅黑心金句無論點都比唔上、當怒火開年暴徒被判刑之後、五愛二「將暴徒嘅行為比喻天爸之子和十二門徒」那麼面厚黑心。

踎出彩虹來

弄巧而入冊

贏輸有個格

鐵窗出英雄

願者常作客

丐幫幫主五蚊遠剃咖啡佬眼眉罪成、被判處摱鐵枝一百二十日、並獲准保外上訴。嗱、雖然五蚊遠判刑、若話佢做硬監躉實在係言之過早。因為佢可以上訴吖嘛！

虛假的民自和

五毒早前聚一堆

匿盟為錢去追隨

公然撒賴紅威脅

仇龍播毒靠吹噓

呢嗱、當下罪惡城日日都有人高唱反紅、反一家專政。之但係、究竟那些人是反紅還是反龍、則成疑問。就以近日跑到摩囉參加藏毒舉辦嘅世界民自和（民主、自由、和平）大會嘅匿公盟代表來講、實際上是反龍而非反紅。如果係反紅、只須打倒一家專政便可以、而無須像五毒（藏毒、蒙毒、疆毒、台毒、港毒）咁、主張脫龍獨立的。所謂獨立者、就是跟龍族分家、往後不再做龍的傳人咁解。難道咁都睇唔出、五毒係掛羊頭賣狗肉嗎？在下對於別人反紅冇意見、因為這是每個人意識形態上嘅分歧。之但係、反龍就絕不能接受。因為龍是我族之根本、一旦分裂了、龍族便完蛋了！此乃滅宗滅祖滅族之大罪、誰也擔不起的。

利比罅模式

提起利比罅

確係得人怕

肥恩唔禁激

喪普在使詐

呢嗱、正當「普恩會」被唱得鋪天蓋地之際、花家安全顧問惡意頓忽然放話、將會以利比罅模式來處理朝核事件。肥仔恩聞言後大為光火、並警告不一定會與喪普會面。究竟利比罅模式係乜東東、令到肥仔恩㷫成咁呢？嗱、係咁嘅、首先由花家派人將核設備拆卸、然後全部由花家接收。使肥恩扯火更多嘅係、當年利比罅一哥卡達飛棄核後、花家一方面解除對利比罅嘅制裁、而另一方面又送個「亞孻伯豬春」給利比罅人、並栽培一支親花嘅反卡達飛叛軍、再由忽大西洋公約「忽約」直接踩人利比罅、協助叛軍將卡達飛殺死、然後棄屍於下水道裡面、最後恢復花家對利紫罅嘅主導權。坦白講、分明係有人刻竟借利比罅模式來提醒肥仔恩、卡達飛係點死嘅。當肥仔恩扯火之後、喪普便趁機話、在大家都㷫烚烚嘅時候不宜見面、並宣布取消普恩會。

英雄與狗熊

狗熊之威不是威

信他一成便躀低

專呃細路氹氹轉

博你唔知佢亂嚟

日前、過氣一哥阿狼公開質疑、點解在戰中和汪暴被告人之中見唔到有政棍子女在內？其實問都多餘啦！比着係你、明知到係個屎氹都唔會擁自己仔女踩落去咁戇居啦！呢淌混水都係由它家仔女去混才化算嘅。另外、阿藍問、點解管治當局眼光光睇住隻蜓妖不斷教唆他人子弟犯法達標、操控兩會選舉、以及到處散播講獨、都唔將他繩之於法？其實蜓妖嘅所作所為屬好屬壞乃係見仁見智的。有人認為蜓妖翻盅亂講累街坊、但係亦有人認為佢係反紅大英雄嚟。注於管治當局點睇、我實在唔知到。不如由大家去聽其言、觀其行、然後再下結論吧！

愚不可及

己彼兩不知

當然冇藥醫

行家賺到笑

自己摱鐵枝

日前、有份在「怒火開年」一劇之中演出嘅臨時演員阿邊個被判入冊時對其同伴講「𠸎佢𥄫實罪惡城」喎！嗱、先唔講阿邊個嘅同伴究竟係用 A 眼、B  眼、抑或係用隻 C 眼去𥄫實罪惡城、現在講緊嘅係大眾同屬翻盅亂講一分子、人家戰中三𡃁（戇痴瘋、兜捹匡、籮半蔥）就比阿邊個醒神得多了！戰中三條𡃁被判摱鐵枝時乜都唔使講、只係以實際行動去「𥄫實監倉」並嘗試去慫恿班倉友起革命。雖然係無功而回、但三條𡃁連坐監都不忘搞屎棍、確實係難得嘅搗亂專才、阿邊個那類蠢蛋基本上連掹三條𡃁衫尾嘅資格都冇。

荒謬之城

公然犯法冇天裝

訟棍胡扯冇地藏

死到臨頭不認錯

生前死後累街坊

荒唐鏡狀師替梁天來（怒火開年主角）辯護時、自稱佢後生嗰陣時只懂得遊山玩水、跳舞溝女、從來都沒有為民主做過些甚麼、今日搞成咁都係由佢嗰一代人嘅怠慢演變過來的。佢仲話、怒火開年只係做戲咁做、有關審判都係做戲咁做、萬望大老爺高高舉起、輕輕放下就好喇喎！嗱、荒唐鏡份人雖然夠晒荒唐、但語言偽術方面委實太差勁。以為咁講就可以將怒火開年合理化、分明當主審大老爺係豬。幸好大老爺並唔係食餿嘅、所以佢將怒火開年一案、兜槌定音為刑事罪行。

創科背後

人才並不缺

何解會脫節

皆因有人禍

當堂打個纈

好多人話、罪惡城大教館只懂訓練跳老舞人才、而教不出好門生來。但事實並唔係咁嘅。從前嘅理公教館曾紅出過唔少科技人才、只係講府對佢哋嘅發明品視而不見、甚至連發明者都被冷落、以致人才外流。常初大多數被冷落嘅人都是被老番挖走、後來還有不少人走進大陸謀發展。嗱、究竟係講產官僚無知而走寶、抑或係有人立心要做趕雞棒、就真係天曉得。無論人才是被老番挖走也好、走進大陸也罷、總之那些人大多數都獲得發展機會、而罪惡城就得個桔。現在朝廷主動放水過來振興科技發展、總算係亡羊補牢了吧！

由瘋暈講起

粉飾大包容

勝過打龍通

罪城多積疾

難以掃得空

江湖傳聞顯示、妖蜓已打起「瘋暈」帥旗、號召獨派人馬加入搶攻驅異會席位行列。嗱、別以為妖蜓手執雞毛當令箭、其實佢背後嘅金主非常之猛料。當中唔止有老番、更多嘅就係泛藍陀地大戶、以及大圈洗水幫人馬。江湖上早就流傳、由於打柴六蠢、以及死唔去嘅倒旗鄭和笠機峰等人嘅愚蠢行為、已經令到幕後金主非常惱怒、並警告如不立即改善便斷糧斷水。經過看更社嘅四大班頭皮老𡅏、賣田里、塵實滾、塵四漫、商議後決定委託妖蜓為軍師、並推行瘋暈計畫挑選可用之人滲入驅異會、以搗亂民生為手斷提升社會怨氣、爭取更多街坊企到反派的一邊去。今日妖蜓之所以能夠為所欲為、完全係拜大包容所賜。

花拳繡腿（六）

點人唔使本

同撈砸飯碗

獨食夾番蠻

親離兼眾叛

呢嗱、做花朋友分分鐘踩西瓜皮、仲𨃩到攤攤腰𠻹架！雖然喪普上任不久就冚袋鼠一哥氹寶電話、但氹寶卻不計前嫌、依然對喪普言聽計從。可惜嘅係、氹寶當正喪普係好大佬、而喪普只當氹寶係傻佬。喪普曾經老點氹寶、指紅家嘅燶興和華喂兩家電設公司嘅真實身份係紅家無間道、對袋鼠家族安全構成危險。氹寶聽後㷫過焫雞、並下令全族停止使用紅家嘅通訊設備。然而、喪普跟閘王講掂數之後毅然公布、為咗打救紅家勞工個飯碗、正在與閘王合力盡快使被封殺嘅燶興在花家恢復營業。就係咁、氹寶忽然發現自己踏咗屎。因為氹寶早前衰衝動、公開指責紅家特工滲透其家族、並且不惜當花家馬前卒、不斷的在南海問題上挑戰閘王。現在忽然發現自己做咗傻仔、想話到紅家作客也不獲發給簽證。當氹寶食飽閉門羹之後、惟有派遣貿旅部長橋攴到紅家睇攬球兼修補一下雙方關係。

結果無意外

刁橋扭擰費心機

大眾明知剃眼眉

咪話諸君唔順氣

搞來搞去亦非非

垃圾會開堂「廢柴」嘅結果如大眾預料一樣、松柴井可以繼續留低。嗱、係人都知到、只要反派無人缺席嘅話、亂制嘅票數是不足以廢掉松柴井的。換句話講、這是一場毫無意義兼浪費公帑嘅爛戲而矣！因此、坊間對這類呃波鐘嘅低B劇興趣不大。其實、有很多時候、垃圾尊貴嘅所作所為都給予街坊一個「阿茂整餅」嘅印象。今次班友仔明知冇可能踢走松柴井、但監硬搞台爛戲出來、無非係要突顯反派盲撐松柴井。之但係、連六判爺都不認為松柴井罪不該死、反派又何必多此一舉？

民怨所在

唔怕錯中錯

煽君去犯河

非我行不義

只係你太傻

自從大歸之後、市民對講府不滿一直保持在高水位之上、使得縣太爺嘅信譽得分每況愈下。政客抓緊機會團結起那群有怨氣嘅市民並加以煽惑、使得反字堆聲勢不斷狀大、並在社會上形成兩極矛盾、而自缺和講獨就是在這情況下冒出來嘅政治怪胎。現在嘅問題係、點解講府搞足廿年、民怨不減反加？究竟係無能、抑或無心？罪惡城嘅怨氣所在究竟又是啥？

和尚打傘

既冇安全法

牙尖且脷刮

捕快無奈何

人皆口擘擘

日前、有位仁兄買板唔知埞、居然在黃仔地頭聲稱無須再紀念「南天門八狗六死」事件而焫㷫丐幫人馬。當阿仁兄離開時、被一名丐幫女頭目緊隨尾後破口大罵。當趕到現場嘅捕快要求女頭目出示人牌時遭對方拒絕。此時、其他丐幫人馬亦陸續趕到現場、其間有捕快指女頭目嘅講話涉嫌干犯某係法例、並即時向女頭目施以警戒時。但女頭目反駁話 “廿三條尚未立法、就算佢翻中亂講捕快亦無權干涉的。” 嗱、在下也覺得女頭目、除咗涉嫌違犯罪惡城嘅「入境條例第一百一十五章第十七條 “撕” 款、必須按照捕快要求出示人牌」嘅規定之外、並無干犯其它法例的。正如女頭目話齋、尚未立法吖嘛！

又衰一鑊

速龍向來事幹多

連番遇阻太坎坷

超資已經成習慣

賣張車票事多磨

正當速龍密鑼緊鼓準備出街之際、江湖上爆出售票安排出現問題。據講、從本城賣車票只能通往指定嘅十三個車站、而非速龍全線。如果行程超出指定範圍、乘客必須透過網上購票系統補買車票、或在內地車站另行補飛。嗱、講府宣傳給予街坊嘅印象係、一票在手可通全線嘅、而現在失驚無神話要另行補飛。究竟問題是出自罪惡城定係內地就不得而知。但令人想不通嘅係、點解連咁簡單嘅問題都搞唔掂？究竟係講府執事太廢、抑或係內地太霸道？點解講府不向講馬笨公室投訴或要求協調？西廠在這件事之中又有沒有角色的呢？現在又要勞動城中輿論發聲將件事揚開。難道講府真的到了走投無路嗎？點解打得之人在這件事之上連屁都不敢放一個？點解？！

花拳鏽腿（五）

鋼牙遇上斬崩刀

再不商量便掟煲

既屬搵銀無異意

揸扒再傾有利圖

上次花家講數團在紅家不歡而散之後、喪普隔洋放話、說甚麼紅家被寵壞咗、又話一定要令紅家難受。嗱、話口未完、喪普剛剛又發功、並指出佢與閘王正在為讓燶興電訊恢復做生意而努力。嗱、注於燶與能否復業、就要由周三到花家訪嘅紅家講數團是否能夠滿足喪普嘅要求而定。

爛泥唔上壁

監倉當成大酒店

膳食要求更腌臢

只道威風來得易

誤把砒霜當食鹽

因在六判堂撩鬼攞命、而被六判爺送人大牢摱鐵枝嘅丐幫副幫主旺好名一出冊後、就開咪投訴監倉膳食味道曳兼食唔飽。但奇就奇在、從旺好名外表睇嚟、佢依然係肥屍大隻嘅、唔通佢真係餓到發水腫？之但係、白鴿會過氣會長瞓街姐就話、佢經常以盛世紳士身份巡視監倉、亦多次𢲡過犯人嘅飯來試食、覺得味道和份量都唔差嘅喎！究竟邊個先至係大話精呢？呢嗱、話口未完又輪到丐幫幫主唔忿軟又被六判爺判處入羈留所等候判刑。話明冇諗過會踎監嘅唔忿軟、今次唔止有機會去嘆吓水飯房膳食、而且分分鐘在監倉坐出得美好人生出來架！

花拳繡踢（四）

喪普打盲拳

蠻打甚眼冤

空門今大露

吃虧在眼前

喪普一心諗着、閘王不敢拿今日紅家擁有嘅成就去跟他晒冷、故開出以下的不平等條約「包括：兩年內降低對花家貿易逆差兩千億花元；必須購賣花家指定嘅產品、若花家認為不滿意、將會對紅家作出制裁、而紅家不准反制裁花家；不准紅家參與投資花家高科技項目、並全面開放紅家高科技市場給花家；不准向“龍之製造 2025 ”有關高新科技項目提供保貼、若該等物品銷往花家必須繳交徵罰性關稅。」迫使紅家簽署。呢嗱、喪普不知己亦不知彼、便妄想迫紅家無條件投降、咁就梗係撞正大板啦！其實人人都睇得出、喪普本來要上演一齣殺雞儆猴給全世界“由其是佢班𡃁”睇、而紅家就是那隻雞。殊不知雞殺不成、反而驚醒咗班馬騮。正當喪普要斷絕向紅家提供晶片之路時、其他人就開搶攻這一個“吸納世上晶片總產量六成多”嘅大市場。忽裂顛嘅 A乜M 公司主動提出（紅家為占股份 51% 成大股東、而 A乜M 占 49% 股份為二股東）合作在神州設廠開發高端晶片、還有台島聯乜科和其它大形半導體公司趁機闖入神州分一杯羹。睇嚟、花家晶片巨頭糕通公司多得喪普唔少矣！

唔係爛劇

不愛面子愛銀子

次序搞成一坺屎

大鬧離場通議案

成交兌現有口齒

眾所周知、反派終日以屁當真理、無非要維繫着一群信眾以供有須要時使用。假如速龍通車嘅話、大細圈兩地往來將會變得更加簡單和快捷。到時在五羊城打個電話到罪惡城約朋友飲茶、比在上水約豺灣嘅朋友見面還省時間。萬一多咗人進入大圈嘅話、對大圈嘅見聞自然增加、反派嘅謊言就不攻自破。以後搵人信佢哋都幾難。因此、反派才會鍥而不捨的、拼命阻延一站兩份議案通過。之但係、反派係明知到拖得一時、拖不到一世的。既然係咁、點解反派仍然死𦧲呢？當中究竟有何蹊蹺呢？答案是一個「錢」字。

二五蒲頭記

阿黃原來係阿七

護主有責走唔甩

搞禍同源為己任

先行賣嘴再賣忽

花家大佬喪普迫使紅家簽不平等條約不果、便惱羞成怒咁話“要執番劑嘢畀紅家嘆吓”喎！於是乎派人喊涼瓜和戇Q兩名二五仔即刻躝到花家聽令。涼瓜和戇Q亦識做、首先跑到花家議事廳唱衰紅家打壓港毒民主和反紅自由。呢兩壇嘢除咗指責紅家不按照花家應可嘅一套法則去治理罪惡城之外、還要將戰中三條𡃁（戇痴瘋、兜捹匡、籮半蔥）之所以成為監躉入晒紅家數。佢哋話、因為三條𡃁全心全意維護花家利益、才會被紅家以莫須有罪名打入天牢。難怪咁多人都話、狀棍嗰把「𧥺」連死都可以拗翻生架啦！

老是針對紅家

你說佢豬不是豬

扮晒懵然導眾痴

千般煽惑猶可惡

即棄奸徒未謂遲

江湖傳聞、日前豬八萬在垃圾會嘅覓地會議之中提出、收回軍事用地以作興建公屋之用、而被藍仔指責為發噏風兼揼波鐘。嗱、如果傳聞屬實嘅話、藍仔未免太過睇少豬八萬嘅用心了！冇錯、豬八萬確實志不在軍事用地能否興建公屋、只要係藉此在渴望上樓嘅街坊心目中創造出一個街坊軍生人霸死地嘅形象、方便日後借題生事。須知到、戇痴瘋能夠在本城搞出咁多風風雨雨、亦只不過是在花家大戰船上學過七天散手。然而、豬八萬卻被花大叔安排在亞褲汗、巴比倫、波斯、意識劣一帶打足三年擂台、其功夫之了得非一般人能及。咪見到佢個款有啲低 B 就當佢係痴瘋那類級數嘅傻仔、其實佢一開始就“扮豬食老虎”架喇！

日本陲船（遲早完）

越玩越加㜺

𠵿風去而返

齊齊𠾍住做

遲早冚包散

日前從新聞報導得知、清道工人將煙頭、紙屑等拉圾掃落渠閘內。公眾飲水機過濾器用到過晒期、甚至盛水盤生出菁苔都冇人理。拆卸橋底非法蓋搭時、只係拆收到投訴的一間、其它的好少理。戰中多名主要疑犯至今尚未受審。剛剛還聽到骨科病人苦等七年才獲得做手術。即使你話我擦前朝肥彭嘅鞋、而唱衰現任一姐都要講、自從大歸以來、本城阿頭嘅管治能力一蟹不如一蟹、確實係今不如昔矣！拿、上述嘅“清道工人將垃圾掃落渠閘內”係清道服務大倒退。從前掃街工人都知到「掃垃圾落渠閘內」是清道工人大忌。因為前線管理人對這種行為反應很嚴厲的。在大歸後掃街工作外判速度加快、管理方面而續漸鬆散。其實、這種管理疏鬆情況、在其它部門亦廣範存左着。

花拳繡腿（三）

此人霸道惹人憎

妄想一招斷我魂

卅年苦練今為用

看誰最後企起身

在5月3日花家 Seven Head 講數代表團到訪紅家展開關稅談判。有消息指、花佬開出四個條件、如果紅家不答應就開打貿易戰。第一條、在 2020 年之前紅家必須縮窄 2000 億花元貿易逆差。第二條、紅家必須停止「龍族製造2025」計畫中涉及行業嘅補貼。第三條、將所有關稅降低到不高於花家水平。第四條、不得向花家採取服行動、特別是不得拿農產品開刀。最後還加送一條、限定紅家每一季都必須與花家開一次例會、以評估進展。

衰到冇朋友

盡棄倫常妖孽興

捩橫折曲有收成

今日恃蠻掩道理

只緣道理已輸清

嗱、惡人大家都見得多、但係惡到好似笠機峰咁、欺凌完保安姐之後還要惡人先告狀、向訴苦專員誣告受害人嘅、你又見過未？咁仲來算架、黃仔政棍加埋佢哋嘅喉舌齊齊在社會上造勢、老屈保安姐係公家派去監視垃圾尊貴一舉一動嘅臥底、反咬保安姐侵犯尊貴私隱權。嗱、你話嘞、如果呢種撞棍式嘅奸計得逞、咁仲成世界嘅？幸好、本城嘅倫常道德尚未完全淪陷、訴苦專員能夠秉公辦理、並對笠機峰嘅無理指控續一反駁、令到其奸計夢成空。由此可見、今日嘅飯盟已經走火入魔、不再是昔日和理非非（和平、理性、非暴力、非粗口）嘅反盟。今日嘅飯盟已經變成一群不知倫常為何物嘅極端群體。所謂人棄倫常妖孽興、難怪罪惡城妖氣沖天啦！

丟空稅？

你一口時我一口

吃盡人間好與醜

莫怪一姐無義氣

殺到埋身施辣手

唔經唔覺、罪惡城樓價高據世界第一已經有一段日子。須然城中地盤處處、新廈陸續落成、但樓嘅須求量唔止冇降、反而飆升。都可謂奇哉怪也咯！嗱、問題係、城中吉屋亦唔少、何解市面上卻反映出供不應求呢？當社會上響起向吉屋徵丟空稅時、大賬房劏房哥表示、本城樓宇丟空情況並不嚴重、還說在樓市裡面見唔到有紅資炒賣嘅跡象。嗱、根據綱落上（公家肯定的、就是否定的。公家否定的、就是肯定的。）嘅潛邏輯算來、應該將劏房哥講嘅「沒有紅次炒賣情況出現」後面加上「才怪」兩個字就成件事都得清楚了！阿爺早就識穿花大叔（以打壓內地高科技發展為手段、來迫使資金流向更容易搵快錢嘅地產方面去）嗰龍嘢、早就向樓宇炒賣大開殺戒、從而將資金引導回正軌上、免得經濟泡沫爆破時步「兩房」後塵。然而、罪城商家完全不吃這一套、以致一姐不得不出口術以作警告。

花拳繡腿（二）

花佬台上煽歪風

明施毒手暗坑紅

慎防推冧金王殿

紅家未敢放輕鬆

喪普呢頭以貿易戰、科技戰、金融和貨幣戰搞到紅家頭暈眼花之際、嗰頭又跟島獨眉來眼去、仲放話要派水兵陸戰隊駐守台島新落成嘅會所助長島獨之勢、分明係向閘王撩交打。嗱、在下認為花家係可以聘用“由退役花兵精英組成”嘅黑水公司保標代替花軍。因此我相信喪普旨在拋浪頭、而唔信佢真的會撩交打。因為打起來條數點計、花家都蝕硬嘅。由其是花軍前後兩次吃過街坊軍嘅虧、應該知到街坊軍係幾咁難纏。萬一惹得街坊軍長期封鎖台海、島上日子必定一日比一日難過。到時喪普都唔知就手旁觀好、抑或派兵跟街坊軍搏老命好咯！講真、街坊軍係打着「民族大統一」嘅旗幟踩過台海、但花軍又為誰拼命為誰亡呢、吓？！

死攬笠機鋒

你說我錯不認錯

縱然老笠又如何

只有公堂可判罪

其他瞀里咪囉唆

呢嗱、現實勝於一切係啱嘅。垃圾尊貴笠機鋒雖然涉嫌犯下「以暴力老笠 EO 姐手機、以及透過受害者手機竊取別人私人資料」刑事之罪、並且在人皆喊𢱕之際、白鴿會卻義無反悔的死攬笠機鋒唔放、其實係有莫大苦衷嘅。冇錯、笠機鋒的確係衰咗、而且仲係陀衰家嚟、絕不能讓他被其它幫會招攬、否則白鴿會就連個勢都輸埋。如果笠機鋒唔係垃圾尊貴嘅話、恐怕佢撻埋落屎坑都唔荒會有人睄佢一眼。身為白鴿會坐館嘅亂噏韋、又點會睇唔出嗰班喫弟想點？除非六判爺判笠機鋒入冊、以致連份職都冇埋、否則唔使主意。