老鷹立心要屠龍
城中二五作幫兇
且看神龍攻定撤
若能闖過便稱雄
呢嗱、蠱惑仔講數只要合符利益就互相信守誠諾、呢啲叫作和氣生財吖嘛!唯獨是喪普係毫無信譽可言。上次跟紅家取得共識之後如今又反悔、並在其代表團起程前往紅家作進一步跟進嘅前夕、重提向五百億紅家貨品徵收25%關稅。喪普咁做、分明將前面雙方嘅默契全盤推翻、還原基本步重頭再𦧲過。所以話啫、同呢種人交易確係心血小啲都被佢氣死。老實講、如果花家真係咁有底氣嘅話、就唔會嘥口水跟紅家嗲來嗲去。假如我係閘王就趁佢病攞佢命、企硬同佢「鍊」一鋪、看看誰的命夠硬。