東風蓋過西風

東風蓋西風

越蓋越成功

世界輪流轉

誓拒假大空

俗語有講、唔聲唔聲嚇你一驚。近年來龍傳人默默耕耘之下、新高科技項目不停的湧現出來見街坊。其中以超導、空間站、全電動力技術、量子應用、高鐵、核材料、新型核子技術等方面發展訊速、更重要就係龍傳人擁有自己嘅研發能力、所以引起世界關注和提出合作。之但係、今時今日嘅大國已非當年嘅吳下阿蒙、所以對於關鍵性技術和國家寶貴資源是絕不會拿出來賤賣的。由於研發耐燃金屬獲得突破、在研發循環航空發動機方面同樣有所突破、所以花奇大帝放聲氣試探合作嘅可能性、而架仔喉舌毒賣新聞呼籲大國勿失去與花奇合作嘅大好殊榮。須知到、誰能先成功掌握到循環發動機製造技術、誰就是發展第六代新型戰機嘅第一人。可惜吖、萬歲爺只係醒咗個檸檬畀花奇大帝嘆。

嗱、花奇大帝一招不靈又再出新招、他提出以部份航天技術與大圈分享航天方面嘅有關技術。米旗國提出與大國合作造大飛機。伐躝西則提出以幻影2000戰機技術換取大國嘅量子通訊技術合作。唉、呢幾班老番梗係撞親個腦都未定咯、居然妄想以那些三四流技術換取大國嘅超級技術、唔被拒於門外才怪啦！係嘛？！依我睇、老番定必會想辦法爭取與大國合作究發以下高新科技項目。（一）速度高、噪音低嘅無軸噴泵潛艇推動系統。（二）體積小、推力大、能夠一邊提供動力給行駛中嘅航空母艦、同時能夠提供電力給戰機彈射器嘅常規綜合電力發動機。（三）能令隱形戰機無所遁形嘅量子雷達和通訊技術。（四）擁有六馬克以上速度嘅循環航空發動機。（五）無污染、並能解決世界電源短缺問題嘅新型核聚變發電技術。雖然大國目前嘅整體科技水平與西方尚有一段距離、但差距正在縮短之中。如無意外、惜日大國追老番嘅日子快將過去、轉過來就係老番追大國的了！因此、大國須要嘅就係時間和穩定。只有穩定才能夠讓大國按照時間表、在今後五年內帶領整個龍族步入小康水平嘅目標。