2017年11月23日星期四

廿三兜死因報告


人在江湖冇得揀
命中注定兩相殘
若然得知其底蘊
勿再跟人去造反

世界上從來沒有一個國家嘅人民會阻止訂立國家安全法的、但罪惡城偏偏就是唯一異常之地。雖然神州法律之中有國家安全法、但未能涵蓋罪惡城。正是這個原因、城中政治鬥爭鬧個不休。這不獨只威脅國家安全、而且對本城治安亦構成嚴重威脅。對平常百姓而言、絕對是不願見到的。究竟係朝廷軟弱、抑或係縣府無能、又或者根本上係有人唔想立此法呢?答案顯而易見係後者。如果我係政客嘅話、我都會反對設安全法。世上嘅國家安全法都一樣、係禁止政黨收受外國獻金的。護城安全人人有責嘅情況下、訂立安全法是急不容緩的。既然係咁、點解罪惡城大歸咁耐依然未能立法呢?若要搞清楚這個問題、必須先弄清楚當年安全法點解會在臨門一腳之前跪低。

若以當年藍派人頭計算、是足夠票數通過訂立安全法的。但其中一個政黨陣前變掛使得安全法胎死腹中。問題係、點解效忠朝廷嘅政黨居然膽敢食碗面反碗底、難道不怕滿門抄斬嗎?但事實告訴我們、有關政黨無損無缺、依然一手摱着萬歲爺轎邊、而令一手就掹着花奇大帝嘅衫尾左右逢源。因為一切後果都由黨魁一個人承擔咗吖嘛!呢啲咪就係叫作、犧牲小我完成大我囉!呢鋪搏來唔止冇蝕、簡直係賺到笑。但問題係、點解咁多人唔揀、偏要揀阿邊個去做叛徒?答案係抽簽嘅結果嚟。那台戲又是做給誰看的呢?當然係花奇大帝。點解又關花奇大帝嘅事?理由好簡單、一個生意人之所以能夠將盤生意達通四海、依靠嘅就係人緣。得失任何一方面都冇運行。萬一到咗必須要有所犧牲才能夠挽救大局之時、惟有避其重而取其輕、希望藉此將損失幅度減至最輕微。得罪萬歲爺故然會失去神州這個金礦、但得罪花大帝卻會失去大半個地球。呢條數係人都曉得點計嘅。為免拖累所有人、惟有找個人出來挨義氣做衰仔。呢啲就叫作人在江湖身不由己吖嘛!搞成咁、完全因為花奇大帝硬着要跟萬歲爺拗手瓜之故囉!作為既得利益者、你別來跟我說甚麼乜乜大義、我只會朝着利益方面去看。明未?

10 則留言:

  1. 諗深一層,若果無咗23條,唔少政客就無事可做,包括泛民及建制,故此愈拖長愈好,大家可以長揾長有嘛。

    回覆刪除
    回覆
    1. 聽間話、北風吹來消息、阿爺已經冇乜耐性喎!

      刪除
  2. 域兄,你深明大義,亦知他用心良苦…
    所以話呢,商家佬都係利益為先,又有乜殺頭生意唔敢去做?

    回覆刪除
    回覆
    1. 佢並唔係白做嘅。表面做咗衰仔、但佢個口袋就越來趣豐滿。

      刪除
  3. 我相信嗰條友冇咁義氣,自我犧牲挽救大局。
    佢只係個人計算,行呢步對佢最有利。

    回覆刪除
  4. 廿三兜起死回生是假以時日。

    回覆刪除
    回覆
    1. 如果等、真係唔知要等幾耐。假若阿爺拍枱、一定水到渠成。

      刪除
  5. 政客們均是利字當頭,哪裡管得什麼國家民族大義。
    漢奸們當然是反對立法去規管啦,唔通搬起石頭去擲自己的腳咩?

    回覆刪除