2017年11月1日星期三

究竟想點?


通訊不通訊
五年逢一潤
大食冇翻頭
當然去到盡

呢嗱、上次大台在紅老大入城翌日抽起講錯電台製作嘅“頭條身痕”節目、而重播紅老大入城片段就闖禍了!事隔四個月之後、電波局裁定大台違反指示、並向該台發出強力詐型信一封。信中顯示該局收到四百幾封投訴大台臨時抽起講錯電台“頭條身痕”嘅信件、並指大台應該可以作出較好安排才對。嗱、在下並唔係話電波局詐大台嘅型有乜嘢唔啱、更加唔係話為大台抽起“頭條身痕”冇錯、只係覺得電波局有啲大細超咁啫!

眾所周知、自從大歸後講錯電台忽然政治化。該台對揸拂堂和紅家會均盡其諷刺及醜化之能事、令到黃思爽死、藍思氣死之外、同時亦令到不少中立街坊都睇唔過眼而罷睇。雖然街坊紛紛表示不滿和作出投訴、但電波局卻聰耳不聞。嗱、係人都知到、當下罪惡城兩極化已經去到臨界點、電波局唔幫手化解都冇所謂、但係唔好再火上加油吖嘛!現在講錯電製作嘅“頭條身痕”已經加深黃藍兩大陣營嘅矛盾。喂、阿哥、講錯電台班伙計全部都係食街坊、著街坊、住街坊、甚至養家都係靠街坊、所以該台應該維持政治中立、而唔係好似現在咁唯恐天下不亂吖嘛!既然大台這麼樣的一個私營機構、偶然抽起講錯台嘅節目都受到電波局強力詐型、那麼長期醜化揸拂當局嘅講錯電台、係咪更加應該受到更猛烈詐型呢?你會唔會相信、冇街坊向電波局投訴嘅呢?然而、電波局表現得麻木不仁、難免惹人質疑揸拂當局是否養黃狗咬羅友?既然連自己養嘅狗都咁唔聽話、係咪應該將牠送去虐畜會作人道毀減呢?仲有呀、究竟電波局是由誰來監管?點解罪惡城揸拂當局出銀兩設立咁多似乎不受任何人監管嘅疑似「非觀方」部門?邊個人可以話起過我聽點解咁嘅、吓?!


10 則留言:

  1. 咁又係呀… 講錯台的一句言論自主就可以不受規管,咁電波局其實都可以取消喇?

    回覆刪除
    回覆
    1. 現在確係有好多人喊、將個講錯電台摺埋佢、免得眼冤。

      刪除
  2. 好佬怕爛佬,爛佬怕潑婦嘛,講錯電台後面嘅勢力咁兇狠,觀府空降左幾個台獎去,都變左縮頭烏龜,攪唔掂隻狗,咬主人一樣咁兇狠。
    電波局緊係要明明哲保身啦,唔通仲去撩隻狗來咬咩?咁咪向其他唔會咬人嘅開刀囉。

    回覆刪除
    回覆
    1. 對的、當下本城情況就是爛佬惡晒!

      刪除
  3. 好友☁¨♦晚安🌜甜夢安睡🌛💤
    ✨開心萬事得╠╣aΡpy週四🌟
    ╔═╦═╗── ╔══╗╔╗─────╔╗
    ║║║║╠╦╗ ║═╦╬╬╬═╦═╦╦╝║∧∧
    ║║║║║║║ ║╔╣╔╣║╩╣║║║╬║・ω・)
    ╚╩═╩╬╗║ ╚╝╚╝╚╩═╩╩═╩═╝⊂ノ
    ────╚═╝

    回覆刪除
  4. 食君之祿,理應擔君之憂。但港台卻食碗面,反碗底,唔怪得北大人對港台咁有微言喇!

    回覆刪除
    回覆
    1. 好能能一個講錯電台搞成咁、確實係眼冤。

      刪除
  5. 域Sir,20年冇睇港台電視節目了,以前的獅子山下,鏗鏘集,感覺唔錯,依家都唔知有乜節目好睇?

    回覆刪除
    回覆
    1. Wai兄、獅子山下已經被頭條新聞取代、而鍜鏗鏘集就仍然繼續。

      刪除