明剃眼眉

爾欲趕盡兼殺絕

吾當自身硬如鐵

今日執刀剃眼眉

它朝另行打個纈

呢嗱、你有你喊打講獨、佢有佢繼續宣傳。今次嘅兩大獨派主角就係：「香梗㒼族」和「香梗食量」、佢哋派發嘅傳單上闡明「保衛爛民、唯有講獨」和「重回整鬼、香梗毒蠟」等字句。獨派除咗向20家書齋派傳單之外、還公開呼籲講府勿妨礙學術自由。也許有街坊會問、早前萬歲爺才下令、必須要抓緊罪惡城管治權、絕不容許一寸土地脫離主體。但今次獨派居然明目張膽咁宣傳講獨、到底想點？嗱、咁就真係考起喇！照眼前所見、係有人要在老虎頭上釘蝨乸、甚至要將自己地位提升至能與萬歲爺睇齊、但底氣從何而來、就真係天曉得。之但係、今次講府只管雞仔、不殺麻鷹、是有目共睹矣！

政棍荼毒青少年之心人所共見。原因係、社會上大多數成年人都知到、講獨是一個永遠不可能實現嘅騙局嚟、所以一般思想成熟嘅人都對此敬而遠之。唯獨是在溫室長大、既無社會經驗、亦不知人心險惡嘅無知少年是最容易上當。因此有心人便將搗亂社會嘅希望寄託在學生身上。當初、佢哋嘅焦點只係集中在大學生身上、如今那群人都已經為人師表、於是連中學生都不放過。聽聞話、有些家長透露、發現部份小學書齋教師亦以政治洗腦方式荼毒小學生。之但係、咱家洗腦局局長一句書齋有豐富經驗處理、就關人嗰個關。在下不禁問一聲、唔通呢啲就係講府嘅服務態度嚟？嗱、依我睇、罪惡城之所以成為反判重鎮、當然與前朝脫不了關係。之但係、能搞到咁嘅規模、若非有內應是做不來的、當中必定有本地利益集團參與。如果將一切都記在講英餘孽、教棍、政棍等人嘅賬下、那只能說是一半啱、一半錯。因為他們並非利益集團、而係任人擺布嘅棋子嚟。嗱、誰是幕後老闆、恕在下不知到。如果話背後隱藏着一個更大嘅騙局、我想、即使不中亦不遠矣！