2017年11月18日星期六

花國優先



優人之優不是優
被人超過倍添愁
今日構成聽日錯
搞你唔搞聽揸兜

自從喪普坐咗上去花國一哥個位之後、便一直打起花國優先旗號與各國周旋。聚眼睇、花國優先是集中在工商和政治各方面利益的。但依近日所見、花國嘅如意算盤打得不太響了!在某個晚上、花國衛星偵測到大國向夜空發射一枚陸基反彈導導彈嘅全部過程。其間出現一度劃破長空嘅紅光、然後就發生了爆炸。有數據顯示、當時發射的是一枚技術含量非常之高嘅中段反導導彈、並成功將一板高速飛行之中嘅導彈攔截和摧毀。由於反導技術與反衛星技術是相同的、所以引起花大叔不安、並在翌日便馬上在公開場合向大國發難、並指控大國違反和平使用太空原則、以及要求大國立即停止一切有關試驗。


嗱、花國那些高空、中空、低空反導系統全球安裝、甚至擺到大國嘅家門口去、但今次卻反過來指控大國違反太空使用原則、大國梗係懶得睬佢啦!一直以來、只有別人投訴花大叔違反這個、違反那個、勢估唔到今時今日輪到花大叔去投訴別人、都可謂世界輪流轉咯!嗱、俗語話齋、須防人不仁吖嘛!大吉利是講句、雖然打核戰嘅機會並唔係太高、但萬一打起上嚟嘅話、反導能力較差、又或是根本沒有反導能力嘅國家、肯定係最先「冚包散」嗰個。花大叔眼見大國居然已經掌握到高中低三種反導攔截技術、當然係行唔安、企唔樂嘅。現在花大叔嘅盟友都知到、花國在他們國內所部署嘅反導彈系統已經不能再是絕對優勢、還使得自己國家成為它家導彈靶子、所以花大叔擔心在亞歐兩大洲嘅盟友對其依賴和信任產生變化、最終不利於其世界霸主地位。打從今次花大叔嘅急速反應看來、其焦慮程度大概可以不言而喻矣!嗱、勿以為大國發展出來嘅高端武器系統(既要花銀両、又花人力和時間去照料、而且仲係有可能永遠都派不上用場)係浪費、但我可以告訴你、就是沒有任何一個國家敢於漠視那些裝備嘅存在。

12 則留言:

  1. 聽說有人戲言這位美國總統是來幫助中國的… 😄😉

    回覆刪除
    回覆
    1. 在下也曾在恆聯網上見過美國網民有這樣的評論。

      刪除
  2. 我諗遲啲大國仲會出售埋此一系統....
    到時花國都唔知點出招好?

    回覆刪除
  3. 乜佢當大國係北寒咁好蝦?只許花家放火,不許寒官點燈。
    話時話,做花家盟友畀佢放反導系統,真係打起上來,射去花家之前,緊係近近地掃低你先啦,唔通任由你去攔截咁貴嘅遠程導彈咩。

    回覆刪除
    回覆
    1. 近生花大叔語無倫次、有時簡直係胡鬧。唔知係咪知到自己再威水唔得幾耐之故呢?

      刪除
  4. 睇到上文,我感到很安心了!

    回覆刪除
  5. 喪普講話,真係回應都嘥氣。每個國家都有責任保護自己國民,製造防禦武器係好正常。

    回覆刪除
    回覆
    1. 呢條友詐癲納福、表要裝狂、內裡兇狼也。

      刪除