針未拮到肉

你說我黃不是黃

死過翻生有何妨

當下全民得自決

何解兩眼淚汪汪

昨晚在榕樹頭聽三叔公講、巴比倫人現在是否獲得民主佢唔知到、但生活質素比任何時候都更差卻是事實。三叔公話、他年青時（七十年代）曾在巴比倫工作、當時巴比倫是相當富裕的。國民平均入息雖然跟香港差不多、但在福利方面就有天淵之別。巴比倫人終生享用免費醫療服務。男丁獲得國家分配一所兩層高花園洋房、而夫婦亦每人各得一部得國名牌房車。免費教育是一條龍式、由幼稚園至博士生、並包括書簿和校服等費用全部由公家負責。之但係、當花大叔及其盟友打散巴比倫之後、巴比倫人的擁有嘅一切都成為炮影。剩下來的只有一個窮字和一個亂字。

究竟當年花奇老大煲薯點解要與米旗聯手、冤枉巴比倫老大煞得姆秘密製造核武、繼而攻打巴比倫呢？理由就係要奪取中東石油操控權。由於當年兩伊戰爭爆發令到石油生產停頓、每日產油量由5百80萬桶降至1百萬桶。石油價格暴升、除咗令花銀貶值之外、亦使得西方工業生產力下降14-20%甚至更高。當時嘅花家大佬煲瞢認為、若不操控石油價格嘅話、必會令到西方世界大衰退。因此先後兩次與盟友圍攻巴比倫。由其是在2003年（第二次攻打巴比倫）是利用一個無中生有嘅理由（老屈煞得姆製造核武和化武、以及製造超級大炮）為藉口發動攻擊的。結果巴比倫政權被摧毀、煞得姆這枚眼中釘亦被拔除。就係咁、花銀嘅強勢得以保存、但巴比倫人從前所擁有嘅一切都化為烏有、換來的只是那不能飽肚、不能暖身、卻能分列國家民族而導致戰亂不休嘅所謂民主。三叔公話、整個中東戰亂無一場不關連到西方利益的。令人火滾嘅就係、巴比倫人明明係被西方列強打到家破人亡、國家命脈（石油操控權）亦不由自主、但城中某些中咗黃屍毒嘅家伙居然話、當下嘅巴比倫人已經打倒了暴政而獲得民主、並且活得比任何時候都更有尊嚴。嗱、你話嘞、如果呢班友跟巴比倫人一樣、被人打到「杏加橙」嘅話、你估佢仲會唔會講得咁口爽呢、吓？！