2017年11月22日星期三

令人生厭



盡而得其反
當然會撞板
食過冇翻頭
何必繼續玩

反盟為反一站兩份都可謂無所不用其極、繼拉布之後又將人稱「長島告狀王」玩核堅擺上台。但今次玩核堅並唔係玩核而係篤背。佢跑到廉公衙門篤罪惡城知縣冧井背脊、指控佢鬼祟與講冬知府馬㷫水簽訂合同、向省府割地讓權去換取其家人在大圈生意上嘅便利。其實冧知縣早就拷鑼打鼓、驚死冇人知佢會去簽合同咁嘅款、基本上並不存在甚麼鬼祟簽約嘅問題。況且、大圈已經率先打開一站兩份之門、所以今次輪到罪惡城履行義務亦算公平。反盟硬係要將所有事情都歸於政治化、簡直係走火入魔不可理喻。仲有呀、嘢可以亂食、話不可亂講、指控並唔係兒戲。除非玩核桌堅能提出證來支持其指控、否則分分鐘犯上誣告之罪。假如斷正就難免牢獄之災。試問咁又何苦?

講開又講、玩核堅早前控告「一站兩份」違法失敗、並且被判向行企會賠償訟費。玩核堅自稱冇錢賠、並向六判爺要求取消他必須吞行企會賠償訟費命令。但六判爺指出、玩核堅所提出嘅訴訟不合理、所以維持原判。嗱、由此證明、反盟將玩核堅呢個扯線公仔實在用得太盡、並已經到咗神憎鬼厭嘅地部。今次六判爺嘅判決、可以話係對反盟嘅一次警告嚟。你睇、反盟呢種無理取鬧兼死纏爛𦧲嘅作風、煩到連六判爺都頂佢哋唔順、何況是街坊大眾?替玩核堅出頭嘅嗰位大狀講得仲好笑、佢話六判爺對玩核堅嘅判決、係會嚇怕以後申請覆核嘅人喎!其實、盲嗰個都睇得出六判爺嘅目的、就係要使得嗰啲玩核人士都知到濫用公堂嘅後果、以儆效尤吖嘛!唯獨是只有嗰位大狀睇唔到之嘛!


6 則留言:

  1. 玩六判爺已經玩出火,而家轉向廉公衙門玩野,本少利大,查唔到真憑實證出來,佢就話係官官相衛,或者衙門無能。

    回覆刪除
  2. 告上官府,得唔得就唔知喇?但只要睇下貪曾單畸士,到頭來都係由律政司話事,咁係唔係都可以講官官相護(六判與刑部之間的關係)呀?

    回覆刪除
    回覆
    1. 唔怪得有人話、全城都係反紅架啦!

      刪除
  3. 呢條玩核堅正契弟,不單只浪費公帑,仲阻住地球轉動,真係唔死都無用。

    回覆刪除
    回覆
    1. 此君背脊夠厚、直程係非一般人物嚟。

      刪除