合作愉快

玩完拉布再玩閃

前人種果後入撿

今日勢成頂硬上

它朝失敗有誰憐

呢嗱、常聽聞人講議事堂陰陽怪氣、原來係冇錯架！自復會以來唔係拉布、就係流會。嗱、話口未完又流會了！即係話、納稅人嘅銀兩又白花了！一直以來、藍營指黃營玩拉布、而黃營指藍營玩失踪、今次卻是黃藍兩營互閃而造成流會的。黃營自爆、他們會繼續玩嘢直到明年三月補選結果出嚟為止。換言之、在未來四個月裡面、議事堂將會一事無成。照咁睇、如果黃營在補選失敗嘅話、有可能要繼續玩嘢直至議事堂換屆為止？難道他們不怕街坊反面嘅咩？

黃營當然知到孤身上路、損失是難以估計。正當人皆十五十六之際、背後嘅蠶蟲師爺妖蜓卻提供一條屎坑橋給黃營考慮。於是乎、黃營以抽生死簽方式、抽出四人（臭甖中、豬八萬、正盲巫、竜陽必）出來當戲班白鼻哥、專責在議事廳搞嘢、免得整個黃營全部丟落屎氹去。不過拉布並非靈丹妙藥、只要主持人較剪一出、布就會被剪斷、所以黃藍兩營便齊齊玩起失踪來。剛剛那齣互閃鬧劇就是代表作。當時藍營七人失踪、而黃營只閃剩乳樽井一人在議事廳內、結果在點人頭（只欠一人才夠數）之下、成功造成流會。照咁睇嚟、黃藍兩營都可謂係最佳拍檔咯！但豬八萬唔止唔多謝藍營合作、反而指責藍營趁黃營人少便乘機要求改議事規則。他強調、如果讓藍營成功、那些如“唱歌法、一站兩份、廿三兜”等惡法就會陸續成立、所以一定要反對到底喎！唔通呢招算唔算係打者愛也呢、吓？！