2017年6月7日星期三

皮佬𡅏老貓燒髮



身為一代掌門人
翻起白眼倍沙塵
開口𪘁脷唔緊要
弊在當眾發牙痕

「點咗你相、我實教你、燒你數簿」。嗱、以上嘅話唔係我講嘅、而係大名頂頂嘅平哥社坐館爺皮佬𡅏講嘅。話說、當皮佬𡅏在危苑出席一年一度嘅“八狗六死” 追憶晚會時、忽然走到凍舟社一名年輕代表面前、篤住其鼻、開口就講點咗人家個相、繼而又話實會教人、仲話燒埋人家本數簿𠻹喂、咁搞法、會唔會惡咗啲架?之但係、那位凍舟社代表嘅反應只係對着皮佬𡅏笑。可能佢認為皮佬𡅏已經跌咗落個“嚇騷擾”他人嘅法律陷阱罪都未定啦!唔知皮佬𡅏係“偽”高人膽大、抑或係想親身到公家祠堂一嘗水飯滋味、竟然當眾玩疑似“嚇騷擾”遊戲、使得謀些正義感爆瀉嘅塘邊鶴跑到巡捕房報案、指控有人涉嫌恐嚇他人。勢難想像、以皮佬𡅏這號一代梟鶴、居然也會墮入口舌陣裡面嘅。難怪戇痴瘋連腦囟都未生埋、就被花大叔捧為世界第十名猛人、而皮佬𡅏連跟尾聞屁嘅資格都冇啦!

此事出街之後、雖然並未在社會上引發起大風波、但媽媽之聲四起則難免矣!江湖傳聞、有人質疑當時在皮佬𡅏身邊幾條𡃁、點解冇人及時制止皮佬𡅏犯下嚇騷擾這種低級錯誤。點不知“雙花籐條”明黐你輕描淡寫話“嚇騷擾”咪“嚇騷擾”囉、有乜嘢咁出奇、使唔使擇咗日先至玩得?隔籬嘅“粗鞋仔”人盡可大大聲話、佢大佬勝在靠山夠大、身家雄厚、人面又廣、莫講話六扇門嘅敢act佢、就算大判爺都要畀番幾分面過佢至係、難度有人認為佢玩唔起咩?唉、咁就難怪江湖上一直流傳、反盟口中嘅民主自由、只係順佢哋嘅就係民主、逆佢哋嘅就係不民主、對於一切不民主都要鬥垮鬥臭、直至被打倒為止。現在問題係、容不下唔同政見嘅群體點配擁有民主?因為民主精神就是“你可以不認同、但必須尊重不同意見”而唔係將表達不同意見人士當作仇人般對待嘅。難怪有人話、反盟搞嘅唔係民主建設、而係人際關係上嘅破壞。就係咁、反盟嘅形勢就變得滾水淥豬腸咁款、兩頭皆縮咯。你睇、今年危苑追憶晚會、無論是出席人數、抑或係籌款數目、均低破歷年水位。咁就足以證明、反盟擁躉不斷流失啦!係嘛?即使有關搞手再作大啲條人頭條數、亦只能自欺、不能欺人。因為一切都睇在大眾眼裡的。嗱、在下並非靠嚇、紅家會大反擊嘅好時機已經來臨、總舵快要出手架喇!信不信由你。

18 則留言:

  1. 我就包拗頸,現還未到出手時候,是關紅家也有人在鬧矛盾呀!

    回覆刪除
    回覆
    1. 紅家會內部冇狗咬狗骨嘅事發生才怪。不過總舵主必會以強硬手法將廿三兜正式確立為例。因為紅家會點都要保存最後一係防線。

      刪除
  2. 呢個世界要悼念的,真的很多......

    回覆刪除
    回覆
    1. 有些是出自每個人內心、有些是人云亦云、而本城嘅「八狗六死」追憶會已淪為政客爭權奪利嘅政治工具了!

      刪除
  3. 掌門白眼倍沙塵
    開口𪘁脷發牙痕

    回覆刪除
  4. 民主嘅意思:「你係民,我係主。」
    所以個個都話自己係民主架。

    回覆刪除
    回覆
    1. 在下一向都懷疑、世界上是否真係有民主嘅。

      刪除
  5. 🌟話咁快又╠╣aΡpy星期四嚟✨
    好友☁。゚🌙瞓覺囉🌜甜夢安睡🌛💤
     O
       o
     .∧_∧・。◇
     ( ・ω・ )
     |⊃/(___°¨*★
    /└-(____/✬・゚☆
    ❉ღೋ๑۩۞۩✾ஜഐ*

    回覆刪除
  6. 冇嘢好嗡發狼癘
    粗口滿天盡嚇鬼
    皮佬充當財神爺
    白金多多花旗嚟

    回覆刪除
    回覆
    1. 開口𪘁着脷
      手指篤人鼻
      逢人跳老舞
      此君係賴皮

      刪除
  7. 域Sir,肥佬黎今次捉蟲啦。

    回覆刪除
    回覆
    1. Wai兄、憑表面證據睇𠻹、佢確係捉咗蟲、但未必砌得入。此及罪惡城特式。

      刪除
  8. 言件事件,將一向以維護新聞自由的記協打了一記悶棍,因為恐嚇記者是防礙言論自由,記協理應挺身而出,但事發多日仍噤若寒蟬,他日記協還再敢出來扮正義嗎?

    回覆刪除
    回覆
    1. 唔使問阿貴都知到收風人協會係唔敢得罪皮佬𡅏架喇!難怪我嘅老朋在迪哥向我呻、佢話辛辛苦苦功個姨仔讀完大學、眼見佢做埋收料人協會阿一就可以沾番多少光、點知今次卻連假都丟埋咯!呢啲咪就係人算不如天算囉!

      刪除