那裡有民主？

人民賦予我大權

三軍與我不相連

這個總統何用處

家常瑣事幹不完

在世人眼中高麗是一個民主國家。民眾享有選舉總統和被選總統嘅權力、國會亦有彈劾和罷免總統嘅權力、而且仲係行政、司法、立法三權分立嘅國家。之但係、在戰爭時期高麗軍事是由花大叔指揮和支配嘅、而高麗總統只係一個掛名嘅三軍統帥而矣！打個比喻講、假如肥仔恩打過來、高麗軍隊亦只能聽從花大叔的指揮、而高麗總統係無權話事嘅。在傳統上、高麗軍嘅效忠對象、似係花大叔多於高麗人民的。難怪花大叔硬是要把「殺得」部署在高麗、其總統不得不同意啦！咁你話嘞、高麗新總統民在怨為着唔想跟天朝過唔去、打算出錢買斷「殺得反導彈系」並由高麗人自己來控制嘅想法、係咪天方夜談？當下高麗人連指揮自己軍隊權力都冇、又憑啥從花軍手中奪取得「殺得」嘅操控權？

呢嗱、所謂弱國無政治吖嘛！誰叫高麗要倚仗花大叔嘅保護才能生存呢？既然必須寄人籬下、那就當然要守人家定下來嘅規舉了！看來、高麗要守嘅規舉、就是將軍隊指揮權交給花大叔。講真吖、當一個國家總統喪失指揮軍隊權嘅時候、無疑是一個無兵司令。呢個環境真係“口講無敵、做則無力”咯！難怪前高麗一姐不理花大叔警告、跑到天朝睇大兵操之後就搞到冇得撈兼要坐監啦！仲有呀、高麗除咗要花大筆銀両去供養駐守在國內嘅花軍之外、還要給予花軍司法豁免權。即係話、當花軍在高麗境內犯案之後、該國政府無權審判、只能交由花大叔處理。試問一聲、在呢個咁嘅時候、高麗人究竟算係老幾呢？扶桑乃係花大叔降臣、喪失部份主權是無可避免之事。但高麗明明係花大叔嘅盟友、但係獲得嘅待遇竟然連安屁呢個下人都比唔上。咁你話嘞、咁又應作如何解釋？講到呢度、不得不贊一贊紅家會老祖宗太陽伯伯嘅眼光獨到、早在60年前就斷定花大叔是霸權主義者。難怪賓國總統肚凸耳凸寧願冒着被行刺嘅風險、都要跟花大叔保持一定距離啦！因為佢本人既唔想做無兵司令、亦唔想令到賓國嘅主權殘缺吖嘛！