2017年6月14日星期三

兩毒結盟



五毒聯群賣風騷
登時入夥有錢途
抬講兩毒同聲氣
紫城慘被過一刀

呢邊廂、候任城督冧井啱啱至喺公仔箱大大聲話講毒冇料到。嗰邊廂、播毒五人組、豬仔滴、籮半蔥、塵拂泉、兜應眶、戇痴瘋(下稱五毒)、飛到抬島出席抬島國(由㒼進黨和時代食量合力創立嘅一個島毒組織)嘅國會會議。其間通過成立「抬講亂綫」加強抬島和紫城兩地毒派聯繫。嗱、今次五毒分明係請冧井食兜巴灼麵、仲食到巨連大牙都甩埋𠻹!所以話啫、千祈咪輕估自己嘅敵人、否則一定係賴嘢多過食飯。之但係、究竟今次係真賴嘢、抑或係真搞嘢、我堅係唔知到。倒不如大家放長雙眼慢慢睇、有可能會睇出一些端倪。講起嚟、呢單嘢都算詭異、五毒敲鑼打鼓話畀人知佢哋出席咗抬島國國會會議、並設立咗一條抬講亂綫、但事後成班友又公開死撐、話“亂綫”唔係勾結。究竟呢個葫蘆裡面裝嘅係乜嘢藥、我就睇唔出、不過卻想象得到呢五條冷裡面其中三個人必定手尾長、分分鐘連垃圾會尊貴都冇得做。

就算你話我以小人之心去度毒派之腹都要講、機乎係人都知到紫城是不可能真的毒起來、但在毒派眼中、這個世界知名嘅地方、無疑是一個難得嘅搞事橋頭堡和搞宣傳嘅好地方。如果無估錯嘅話、今次講毒引狼人室係旨在將本城變成搞嘢大本營。大家都有眼見、講毒連月來馬不停蹄的在世界各地跟其它三毒嘅開會、現在講毒已經正式跟抬毒人馬所搞嘅抬島國結盟。到咗呢個時候仲要話講毒冇料到嘅著名人士並唔係無知、而堅係喺度扮豬就真嘅。再講吖、五毒唔肯承認已經加入國際播毒組織、只係害怕失去當尊貴嘅資格。因為除咗見才化水之外、還可能會被花大叔捨棄。五毒全都是不善生產嘅廢青、你哋唔會認為佢哋嘅銀両真係由個天跌落嚟嘅。係嘛?!依我睇、四大毒派頻密接觸、絕對唔會係食飽飯等屎屙咁無聯嘅。假如管治當局繼續大安主意、直至第一個土產菠蘿爆響之後才如夢初醒嘅話、咁就真係全城都C過你睇咯!由其是在今時今時這個貧者愈貧、富者愈富嘅剝皮世界裡面、急速上升嘅社會戾氣隨時都會有爆炸嘅可能。若然管治當局繼續口是心非兼揼街坊波鐘、而有心人又能夠在時間上拿捏得準確、大亂肯定會一撻即爆。假如為官者連咁嘅危機意識都欠奉嘅話、不如自己摺埋、唔好累街坊啦!知冇?


15 則留言:

  1. 我覺得林鄭做事嗰套實在太官僚,因為佢知道自己有頗多政務官作籌碼,所以,輸打贏要便是她以後做官的本色…
    而那些港毒也是她的本錢呀!

    回覆刪除
    回覆
    1. 啥都有可能、就讓咱們放長眼慢慢睇啦!

      刪除
  2. 話時話,我覺得港毒點搞都唔成氣候。台灣蔡蔡子都自身難保,連老朋友巴拿馬都捨佢而去,睇嚟民進黨都就快玩完。班友仔如果唔去台灣的話,又真係無乜地方落腳搞宣傳喎!想做政棍,點都要諗辦法曝光,否則就會俾人忘記,到時無咗知名度,即係無咗價值,幕後金主分分鐘會閂水喉架!

    回覆刪除
    回覆
    1. 對的、講毒是無法毒得起來。所以在下認為佢哋搞咁多嘢、無非為搗亂本城而矣!

      刪除
  3. 咁攪落去,好可能冧井下個正字任務就係廿三兜喇。

    回覆刪除
  4. ╭~╮
    ╰╭╯
     O
       o
     ∧_∧・゚
    (。・ω・。)つ━★・*。
    ⊂   ノ  ・🌟.♪`✾
     しーJ °❉。*♫´¨✨
        ¨♬∵ ೋ¸.·ø
      ¸♩.·¤´◇¸♦.**∴⊹
    眨吓眼時間過得好快╠╣aΡpy週四
    好友☁。゚🌙瞓覺囉🌜甜夢安睡🌛💤

    回覆刪除
  5. 毒派想獨覇南大門,恐怕只係虛張聲勢。
    不少港人,外國人,包括特狼甫的女婿,都去了大陸工作,或做生意發展。外國想蠶食中原,不是自今日始,以華制華是一種策略。

    回覆刪除
    回覆
    1. 花大叔永遠唔會停止搞天朝、而二五仔永遠都會逢宗必反的。

      刪除
  6. 個人電腦有故障,用手機留言很不慣,字太小,找不到其他功能,暫別了。

    回覆刪除
    回覆
    1. 希望貴電腦早日恢復正常混作。祝愉快!

      刪除