捉放演義

生平最叻搏亂龍

學足關帝坐華容

一路向錢不異志

香江慘變鼻涕蠱

香江小學紀律委員會終於就小四丁班學生會代表常無同學涉嫌“隱瞞由生果欄老闆荔枝應捐給學生會嘅二萬五千元捐款”一事研訊完畢。在紀律委員會退席決前、首席紀委指出、不誠實行為並不是學生代表失當元素。即係話、不誠實並非違反校規動機。首席紀委強調、常無同學收受捐款後並無大快朵頤、也沒有胡天胡地嘅紀錄、亦無證據指向他行為不檢。呢嗱、假如呢位首席紀委唔做教師而轉行做狀師嘅話、肯定客似雲來賺到盤滿砵滿。雖然紀委會尚要待進一步研究控辯雙方口供之後才會作出判決、但校園內已經盛傳常無同學今次一定可以全身而退。更有流言顯示、紀委會有偏幫常無良之嫌。但究竟事實又係唔係咁嘅呢？

按照控方出示嘅證供看來、只能突出常無收受荔枝應捐款之後並無將錢放入學生會捐款箱內、以及沒有向校方會報、卻無證據顯示常無利用學生代表身份收錢為荔枝應在校園內宣傳其產品。在這情況下、正如首席紀委所講、是不足以構成行為不當罪的。控方證供居然出現咁大嘅漏洞、簡直係荒天下之大謬。在毫無實據以證明常無嘅犯罪動機之下、指控當然會被視為子虛烏有。如果話呢單嘢係真疏忽還好、倘若係假大意嘅話、那就不得了喇！須知到常無同學隨咗涉及收受利益不報之外、還有涉嫌非法佔領校園和違反學校命令嘅指控纏身。校園內早就流傳、佔領校園嘅背後實際上是校方管理層嘅一場爭權奪利之鬥。亦有傳聞顯示、訓導主任和出納主任皆涉嫌在佔領期間與佔據校園學生秘密通消息、甚至傳他們與部份佔領校園嘅幕後推手有緊密聯繫。另有傳聞顯示、訓導主任本想等待事情淡化之後才交由紀律委員會從輕法落、故此呢單畸屎一拖就是兩年多。新校長將於數日後便上任、如果學校紀律依然係烏煙瘴氣唔話、香江小學變成冇掩雞籠唔在講、學校嘅級數分分鐘跌到落去Band 5 都仲有得再跌嘅。大家拭目以待啦！