2017年6月26日星期一

蠢言 蠢行



真傻定假痴
群妖愛扮豬
若再懵成成
唔賭亦要輸

當今反派幫會嘅坐館一蟹不如一蟹。由其是白鴨幫和大撞幫為甚。已經脫離大撞幫嘅過氣元老劏雞華、應本城新任揸拂人冧太邀請加入行企會、並表示願意做反派與揸拂堂之間嘅溝通橋梁。之但係、大撞幫幫主楊戇嬌話、劏雞華已經脫離民主路線、所以冇資格充當反派與揸拂堂溝通嘅橋梁。另外嘅白鴨幫幫主胡扯喂亦話、劏雞華加人行企會並不表示冧太吸納反派意見。喂喂、胡扯喂呀胡扯喂、吸納反派意見嘅地方係垃圾會、而行企會係特權人士嘅俱樂部嚟。連掃街茂都知到、點解你會唔知?嗱、唔該你話畀我知、點解白鴨幫長老羅自講加入揸拂堂、每月淨袋薪水卅幾萬你不作批評、而要去批評加人行企會、月入十萬多嘅劏雞華?

呢嗱、在今天這個人鬼難分嘅世界裡面、但凡堅持非友即敵者必定通街仇人。照計身為一幫之主嘅人物、絕不會不明此理。然而、楊戇嬌偏偏犯此大忌。據講、原來冧太詢問過其他幫會是否願意派人加入新班了、但從未問過大撞幫、所以某人才會發爛渣喎!不過又係某幫會晨雞話明、絕不會派人加入冧太嘅班子裡面嘅。現在又挖啲嘢出來鬧、究竟想點呢?政壇上有些人係專門利用民主去呃街坊的。佢哋當民主係佢哋專用嘅制敵利器、凡是不認同者就是敵人。有人話、反派垃圾尊貴係蟻民選出來的、所以民主二字當之無愧。問題係、亂制垃圾尊貴亦由是蟻民選出來、但反派指之為保皇黨、難道亂制尊貴由蟻民選出來係假嘅?仲有呀、究竟邊兜㕲嘴話、只有反派所走嘅才是民主路線嚟架?相信心智正常嘅人都睇得出那些肺噏者嘅目的、就係要感染那些容易受感染嘅人、好教他們掉進佢哋預設嘅政治盲流行列裡面、以供己用吖嘛!難怪會有咁多人滿以為不認宗和不認祖、就會變成番鬼佬啦!坦白講、政壇上之所以會發生咁多古靈精怪嘅事、無非係一個“利”字。嗱、俗語有話、有名當有利。所以今早常無和戇痴瘋等一班嘩鬼跑到金紫荊講場、將金紫荊黑布蒙頭、亦只不過係妄想跟即將到訪嘅總舵主一爭鋒頭之嘛!


15 則留言:

  1. 世界上最唔好睇的木偶戲

    回覆刪除
  2. 反派要堅持「反」,先可以得到金主接受,唔會因為邊個做左中間人而有改變架。

    回覆刪除
  3. 域Sir,尋晚見自己架老爺車的行車咪錶,回到家剛好是188888公里,一發發發發發啦,又想到習總就快到香港慶祝回歸,雖然今早長毛痴瘋先過習總到金紫荊廣場攪攪震,我想港股都可能會升些少賀一賀,咪順手沽出二張極價內認沽期權,真好彩又執番幾千,幫補一下九月俄羅斯的洗費。

    回覆刪除
    回覆
    1. Wai兄、閣下把握政經脈搏如此準確、難怪豬籠入水喇!

      刪除
  4. 有得反就即係有得玩(有得撈),反和玩都係個回事,而且,仲有錢收兼可以出風頭,呢啲咪係叫名利雙收咯!!

    回覆刪除
    回覆
    1. 冇錯喇、反盟當反是遊戲、而普羅街坊難免要受死氣喇!

      刪除
  5. 劏雞華一早就已經係澤界人仕, 佢今天入行企會, 一點也不意外.

    佢不入才是意外事情, 會影響很多人今後的意向和行為, 立下一個很壞的先例, 破壞跟很多人的關係.

    回覆刪除
    回覆
    1. 劏雞華早就跟其黨友貌合神離、退黨是必然的。注於影響會有幾壞、就要睇當事人嘅政治立場而定。但身為徒弟嘅楊戇嬌是否有必要親身出來指責自己嘅恩師、則見仁見智矣!

      刪除
  6. 都是見利忘義之輩,逢中必反是政棍們的把戲。
    金主透過教會派錢,挑撥動亂。有人假神的名義,是為神棍。

    回覆刪除
    回覆
    1. 見怪不怪、惟有當戲咁睇好了!

      刪除
    2. 「以為不認宗和不認祖、就會變成番鬼佬。」域兄寫得很精彩!

      刪除