出口術

扣人帽子笑哈哈

帽子人扣打甩牙

紫城遍地唯威喂

硬係無𤶸造笪𤶸

呢嗱、出口術又呢家嘢又叫做語言偽術。反盟經當指責城督阿狼係語言偽術家。現在問題係、究竟反盟又有冇出口術嘅紀錄呢？日前反派尊貴烈女妝指出、朝廷對「歸本法」嘅理解跟紫荊人相距甚遠。嗱、首先要講明嘅就係、反盟一向都是把「一數兩計、講人自講、高度自視」講成係「講人自講、高度自視」而把最重要嘅一環「一數兩計」掉咗去鹹水海吖嘛！但係、實際上係先有「一數」才有「兩計」、然後才輪到「自講」和「自視」。換言之、沒有「一數」嘅話、咁就乜都冇得「計」咯。由此可見、朝廷對「歸本法」嘅理解、跟紫荊人並無兩樣、而只係城中反派政客跟朝廷嘅解讀有異意而矣！因此反盟指朝廷對「歸本法」嘅理解跟紫荊人不同本身就已經是本未倒置、其真正目的旨在混淆大眾視聽至係。

有人話、紫荊人有份參與起草「歸本法」、係唔會有解讀上嘅錯。冇錯、當年朝廷的確曾經邀請一批紫荊人去跟大圈專家一起進行「歸本法」起草工作。但亦僅僅係起草而矣！注於「歸本法」最終版本係點嘅、就必須經由一言堂進行審議、然後經過拍板才能作實。因此一言堂對「歸本法」嘅解釋絕對係具權威性的。由此可見、如何去解釋「歸本法」並唔係紫城幾個爛鬼政客講過就算、而係由一言堂講過才算數。正正因為一言堂係天朝最高立法機構、反派要奪權就必須先行推翻一言堂嘅8:31決定。因為一日未能推倒8:31、正治改革嘅基本盤不會有任何改變。即係話、就算城督願意再將政改擺上議事桌、反派也絕不會接受的。但又有人問、既然係咁、何故反派一而再、再而三咁提醒候任城督冧井記得重啟政改呢？其實答案一字咁淺。原因就係、沒有政改、反派就沒有發動“二戰”嘅本錢吖嘛！明未？！