革命之花

紅家舊調花家唱

此調聽來真混賬

世界震得搖晃晃

到頭仍是夢一場

回顧紅太陽年代、紅家雖則一窮二白、依然能夠攞嚿錢出來幫助世界各地反「山姆霸權」嘅同志搞革命。當時紅太陽的那部「紅經」是世上唯一能在銷量上比美「勝經」嘅典籍。其實、當時都不知有幾多人崇拜變紅太陽、剛過身不久嘅牙刷拳王阿里亦是他的擁躉。勢想不到紅太陽那套「惡生無罪、造反有理」革命思想消聲匿跡於神州大地、卻在花大叔手中發揚光大。於2011年花大叔憑一枚茉莉花便令到北非和中東多個政權垮台。然而茉莉花雖然狂掃神州十三省、但結果還是失敗告終。當時紫荊城泛㒼組織為響應內地行動、便以反對抓錢華那份被指為是“史上最廢嘅財政預算案”剩機搞起茉莉花革命、結果同樣是失敗告終。在2014年花大叔改以一柄黃雨遮企圖迫紅家大開殺界、殊不知紅家早已識破此一著、並以吊鹽水方式將打傘革命陰乾。不過在2014年嘅一場太陽花革命之中、便成功在寶島為聽教聽話嘅菜英子鋪上登基之路了！

呢嗱、以攻心這門功夫而言、花大叔跟阿爺在伯仲之間。然而大歸十九年、阿爺搶客方面卻完全唔係花大叔嗰皮。有人歸咎於事頭婆撤退後遺留下來的一群「講嬰娛業」所作嘅怪、而令到年輕人對神州嘅疏離感越來越強烈。但實情究竟又係唔係咁嘅呢？大眾都有眼睇、雖然有好多人都摱紅家車邊搵食、但摱花家車邊搵食則更多、其中有唔少人仲係一隻手摱紅家車邊、而另一隻手就摱花家車邊。那些人十分明白、無論編重任何一方都有損失、所以個個都變成兩面人。因此整體形勢永遠唔會一面倒、而那些車邊友就在這根平衡木上發大財。呢啲就叫作爹親娘親不及錢親吖嘛！那些所謂「愛乜愛物」只係用來當歌仔咁聽吓就好喇、如果太過認真就輸梗矣！君不見紅家在攻心方面投入不少資源、亦唔係冇做好功課、但係弊就弊在賞罰欠分明、貼錢買難受。反觀人家花大叔在這屆聚異堂大選之中、擺到明係唯才是用廢者撇之、做得非常灑脫、絕不會在廢柴身上花半個錢。這才是花大叔嘅優點、亦是他輸出革命嘅成功之道。