橫兜鬼打鬼

橫兜鬼打鬼

政棍皆肴底

世上冇公平

人皆咬耳仔

殖民地時期地政部有一張叫作“未來發錢藍圖”嘅密件、裡面所顯示的都是各個區域嘅未來建設內容。唔係呃你、在早在90年代、當在下任職公人期間、已經見到未來發錢藍圖上顯示有地龍經過古洞區的。如果我係發錢商、一定會提早趁平吸地。呢張圖之所以成為密件、就是要保證消息不會外泄。之但係、仍然逃不出發錢商嘅耳目、所以該區地皮登時有價。由於有了前揸拂人老董自爆“八問五”計劃而被整垮嘅教訓、如果我係揸拂人就會緊更加謹慎。今次橫兜呢壇嘢之所以搞到咁大鑊、皆因要個體小戶被迫遷、而大地霸就可以繼續佔用官地經營和等後安置。試問這種欺善怕惡嘅做法又焉能逃得出大眾嘅法眼？想人唔相信有官商香黑打龍通都幾難咯。

呢嗱、雖然人人都知到政府要在橫兜興建四千個廉租屋、但完全冇人知到其餘一萬三千個廉租屋仲會唔會上馬、又或是在甚麼時候才會上馬。事關發錢商久候廿多年、但依然只聞樓梯響不見人下來。今次機會來了、有人利用豬八萬嘅“官商香黑”去帶出“施香朋比”嘅疑雲來迫使施威表態。點不知人算不如天算、件事會演變成焫親抓錢華嘅。難怪日前低調上京面聖歸來嘅冧井呢排靜雞雞咁坐山觀虎鬥啦！不過聽聞話、下一個被打擊嘅對象就是冧井、唔知佢準備好未？坦白講、揸拂人個位雖肥夾膩、但搿在紫荊人與北大人中間就認真唔好做兼受死氣。要應付街坊並唔難、只要間中做一兩件益街坊嘅事就可以、但要滿足大集團就難免要犧牲街坊嘅利益。但奇怪嘅就係、當年老古董搞嘅「八問五」明明係益街坊架啦、居然不獲大眾支持、反而整到佢腳痛躀低？究竟係班街坊唔鍾意人人有平屋住、抑或係政棍為保金主利益而煽惑群眾倒董嘅呢？還有嘅就係、點解啱曾一上台就“能夠”立即停止興建出售屋、以及將廉租屋興建步伐放緩？那些逢政府收地建樓必反嘅集團、佢哋嘅所作所為是幫基層街坊、抑或係配合大水喉呢？如果你想得通嘅話、就會明白點解住屋問題係咁難解決架喇！