2016年9月9日星期五

點解賓仔咁夠薑?


要悲唔要喜
分明累自己
若要發大財
戒甩堅離地

賓仔新一哥賭得蒂把口唔收已經係街知巷聞嘅事。今期又佢破口大罵奧黑馬係龜蛋。賭得蒂隔空警告奧黑馬別再將他看成係花家僕人、因為只有賓島大眾先至係佢嘅老闆。賭得蒂話、如果奧黑馬同佢見面時膽敢質疑其反毒政策嘅話、佢就會問候呢隻龜蛋。佢仲話、保證唔使幾耐隻龜蛋就會去拍他的馬屁。這番話傳到正在紅家出席“支二十風會”嘅奧黑馬耳朵裡去之後、兩人原先約好會面就被取消。現在嘅問題係、究竟賭得蒂點解咁夠薑公開焫㷫奧黑馬呢?有人話、賭得蒂係夜狼自大、但在下並唔係咁睇。

首先要講明嘅係、賭得蒂從前是一名狀師、亦曾經當過檢察官、因此佢嘅智慧必定比一般人更高。佢之所以膽敢冒犯奧黑馬、係佢睇透如果花家失去賓仔呢個平台嘅話、就馬上要滾出南海。更重要嘅就係、他不想在跟紅家揸拂人見面之前就受到奧黑馬指指點點。早前賭得蒂曾經揚言、希望跟紅家好好的商量在南海嘅利益問題、之後又失驚無神話要以南海仲裁結果作為會面基礎、仲話在雙方會面之前、兩家必須簽署一份讓賓仔漁民繼續在黃啱島水域打魚嘅協議書。由於賭得蒂嘅講話、大有你不簽協議我不來之勢、社會上某些輿論譏諷佢周身唔自量兼語無倫次。但依我睇、賭得蒂是個十分精明嘅賭徒、佢嘅言語係話中有話的。請想一想、如果賭得蒂真係咁堅持南海仲裁判決嘅話、那麼黃啱島水域就算不是賓仔屬海亦應該係公海了!試問還有跟紅家簽訂協議書嘅必要嗎?其實賭得蒂比誰都清楚、單憑那份被對手視為廢紙嘅判決書是啥好處都拿不到手來、惟有實事求是才有所得。因此口頭上講得硬只是一種表面上嘅政治取態、實際上他已經親手打開了談判之門。紅家當然已經意會得到、否則亦唔會咁順攤、以歡迎賭得蒂到訪作為回應的。










17 則留言:

  1. 佢啲語言偽術都幾高喎,因他知道兩邊都想拉攏佢……
    咁仲唔抽水等幾時呀?真係高招!

    回覆刪除
    回覆
    1. 前賓仔大佬擺明食咗花大叔茶禮、而呢屆嘅新大佬可能謂口更大、所以連花大叔都不能使他滿意都未定。

      刪除
  2. 呢個賭得蒂精甩邊,正在試探各方底線,為賓仔謀取最大利益。

    回覆刪除
  3. 好友★。゚☾又瞓覺時候嚟☁¨*☆晚安♦・゚✬
    💜。゚💕話咁快又╠╣aΡpy周未喇喂💖*¨💘

    回覆刪除
    回覆
    1. 好友♦・゚☼早晨&午安☁*`☀
      星期一╠╣aΡpy我瞓醒藍天與白雲呢

      刪除
  4. 看準形勢
    伺機出擊
    同意域兄的分析

    回覆刪除
    回覆
    1. 一局兄、你說得對、呢位新賓仔一哥認真唔少嘢呢!

      刪除
  5. 電視上講,呢位是粗口一哥!

    回覆刪除
    回覆
    1. 講粗口可以是一種轉人視線嘅煙幕、但點都掩不住佢嘅思維。

      刪除
  6. 這個“賭得蒂”粗口滿天,又懂得避重就輕,外交手腕靈瓏,是個善於“變瞼”的人! 都幾得人驚。

    回覆刪除
    回覆
    1. 以在下所知黃霑叔雖然愛講粗口、但比他講得更起勁嘅係另一位比他更出名嘅學者。賭得蒂身為賓仔一哥、當然要為其國民謀取最大利益的。

      刪除
  7. 我相信佢諗過度過先至會咁講,黑仔馬當總統時日無多,梗係埋大陸堆穩陣得多喇!

    回覆刪除
    回覆
    1. 對呀、呢位賓仔一哥認真唔簡單的。佢所做嘅既給阿爺睇、亦向未來花旗大佬作試探。

      刪除