重中之屁

有着唔拎點會肥

諸君咪話我剝皮

向來棺箱同一櫳

大眾何必挖是非

揸拂人上台之前曾經講過、解決蝸殼問題乃是轄區嘅重中之重。七年多過去了、人們在這個問題上卻看不到曙光。最近聚異堂新貴豬八萬爆大鑊、聲稱安全受到惡勢力威脅、才將掂州事件暴露在陽光之下。眾所周知、揸拂當局本來打算要在掂州打造一個能容納15萬無殼蝸牛嘅公殼邨。但當局忽然將蝸殼數目由1.7萬縮減成4千、理由就係未能找到合適地方安置該區嘅土地使用人。但奇就奇在、明明係有人非法佔據公家土地長達16年之久、但地管部查明之後只係將2/3公地圍封、並將其餘1/3公地轉祖給非法佔用人士。難怪皮佬𡅏嘅喉舌指揸拂人與響樹幫勾指結伴啦！咁搞法、想話冇流言蜚語都幾難咯！

此事最令人疑惑嘅地方就係、蝸殼委員會轄下嘅資助公殼小組一哥輝煌遠透露、4千個蝸殼已被列入10年建造公殼計劃之內、但其餘1.3萬個蝸殼則不在計劃之中。然而、車屋廳主管冰涼張就話、當局從來未有放棄興建1.7萬個公殼嘅計劃、只係分期執行而矣！呢嗱、同一件事居然有兩套截然不同嘅講法、咁你話應該信邊個好呢？事實上、今次若不是被豬八萬殺到埋身、恐怕唔會有咁多嘢暴露出來。其實坊間一直有人質疑、地管部對於公地私用一直愛理不理、車居廳又一直以未能安置土地使用者為理由而嘆慢版、究竟揸拂當局係唔想管、抑或係管唔掂？從公地被非法佔用嘅年期算來、這類活動係始於大歸之後的。據說那些三層變五層的鼎屋、以及那些如雨後春筍般的無牌吉灰場亦同樣是大歸後嘅產物、而且這些都是起源於響耳谷俱樂部嘅轄區、難怪那麼多勾勾結結嘅謠言在坊間不脛而走了！但揸拂人與響樹幫在幾年前那場「黑飯疑雲」鬧翻了臉、近年更加係明槍暗箭齊發、話佢哋勾指結伴嘅可信性不大、反而勾心鬥角更具說服力。因此千祈咪以為掂州這枚係普通棍棒、其實係一枚滿布釘了嘅狼牙棒。總言之、誰被擊中、誰就玩完。好戲陸續有來、擔定凳仔等戲睇啦！