金紫荊何去何從

雖得神佑欠神威

未曾展翅被狗噬

先生教學頻呃秤

望子成龍變弱雞

呢嗱、怪事周維有、本城特別多。揸拂當局拷鑼打鼓禁止獨派人馬參與競選垃圾會席位、但結果有數名疑似獨派人士成功贏得議席。揸拂當局喝令城中教館不得縱容獨派向學徒洗腦、結果連小教館都淪為獨派洗腦場地。更令人費解嘅就係、戰中兩年已過、但搞手逍遙法外都唔在講、還要在剛過去嘅垃圾會爭奪戰之中上下其手左右大局。雖然有幾個小頭目被提堂、但戒律院嘅判頭只輕判當事人做義工、當中更有人被判緩刑、即係唔使還。所以話啫、所謂「出得來行、預咗要還」只係因人而異架咋！對於那些在戰中期間蒙受重大損失嘅街坊來說、這一判才是真正的和尚打傘。雖則話戒律院判頭也是吃人間煙火嘅凡人、但點都應該做得好睇一點、無謂搞到「戒律面前人人平等」淪為天下之大笑話嘅。係嘛？！

呢嗱、從上述事件可以睇得出、罪惡城當今之勢歪風當和風、毒藥當補品矣！例如講獨明明係無中生有兼無生存空間、但偏偏在城中囂於塵土。更令人不解嘅就係、除咗紅家會嘅一群車邊友循例每日罵幾遍之外、社會上機乎無其他人對此有異議。究竟係人們不屑在這類偽命題上搭上一句、抑或係出於各家自掃門前雪嘅心理呢？有些教館擺出一副高姿態提醒門生不要參與講獨活動、但在骨子裡卻對講獨活動視若無睹、簡直係不聞不問。呢種明明係非常突兀嘅現象、但卻無人質疑過。還有那些捕而不告、告而不罰、罰似若無等等令人無法按常理解讀嘅怪現象、到底又有何啟示？在戰中期間、紅家會喉舌實牙實齒指出、已經抓緊部份「書局長」與戰中組織私通嘅證據、必要時會公布出來。咁即係話、當今三條A之中、最少有一條A係無間道。但這指控後來卻無疾而終、而此案亦永遠成為懸案。喂喂、搞咁大壇嘢出來、唔會係口噏當秘笈嘅、係嘛？試問當一個社會長期被這種不明確氣氛所籠罩着、那裡還看得見明天？難怪本城在世界競爭力排名榜上嘅名次越墮越後、唔通呢啲就係人們所希望見到嘅咩？