由約見新貴講起

一件污糟兩件穢

呢鋪唔死就得米

向來世事皆如棋

是誰當家有數計

新一屆聚異堂新貴尚未登場先喊打、但金紫荊揸拂人一於好少理、繼續向新貴發出會面邀請、結果換來一面屁。拚倒派新貴在拒絕見面之餘、當中還有人說會面必須要有判官在場見證、以免事後被人抹黑喎！呢嗱、能講得出這種屁話嘅人擺明係嘩眾取寵之流。喂阿哥、本城何時發生過你所講嘅事？有就拿證據出來、咪個吹水唔抹嘴。呢壇嘢之所以無中生有、大概又是要盡其嘩眾之能事。話時話、發生咗咁多事、揸拂人應該知到自己嘅人緣係點、只要公開祝賀一下就得啦、可必擺假嚟丟？雖然話、聚異堂內大部份都係架忌冷、但實際上找不出幾個人係鍾意食涼粉嘅。點解連這麼樣一點自知之明都欠奉呢、吓？！

講到揸拂人呢家嘢、在下又想到明年三月那埸小圈了擂台爭霸戰。目前江湖上對於下一屆金紫荊分舵香主誰屬眾說紛紜、並無任何一個傳聞是具權威性的。當中最為瘋傳嘅就係、今屆聚異堂選舉結果雖則話泛㒼勢力萎縮、但拚倒派勢力抬頭、足見花大叔嘅影響力依然強勁、所對對揸拂人冧莊靠成不利因素。之但係、選委會在篩選期間故意放部份拚倒派分子入場、又應作如何解釋呢？聚異堂成三分天下之勢嘅背後又是怎麼樣的景象呢？聽聞話、從前聚異堂兩陣對壘、其實係打龍通打到出晒面、今次選戰結果是有人刻意安排嘅喎！消息指、讓這群不妥協嘅拚倒派進人聚異堂、對紅家會來說不一定是壞事。最低限度亦可以將社會上嘅兩極化分裂。可惜嘅就係、戰鬥力高超嘅施威雖然將泛㒼打得落花流水、但同時亦令到致整個轄區溫度飆升。轄區大孖沙方面有人質疑、若再由一個“攻心不足、攻力有餘”嘅人來冧莊四年嘅話、豈不是全個轄區火燭？但巧合得很、今次豬八萬爆大鑊間接告訴全世界、揸拂人之所以不能兌現其增加平租蝸居嘅承諾、就是紫荊分舵轄下嘅響耳谷遊樂會從中作梗所至。路邊社透露、雖然總舵正在考慮欽點一名EQ好而攻心能力強嘅人物出任下一屆揸拂人、但亦有人堅持要繼續撐施威冧莊的。為免傷和氣、有人提議由競爭者嘅班底來做決定。意思即係話、誰的班底實力較強、誰就登上紫荊分舵揸拂人之位。吓、咁搞法、豈非拮中施威嘅死穴？