2016年9月7日星期三

探索廿三條計嘅死因


空有鐵腳冇鐵腕
偷雞不成蝕老本
當年反轉廿三堂
贏得今日冇王管

紅家會紫荊分舵首屆香主鐵腳華為着維持轄區穩定、便提出合廿三堂之力去剷除花家幫嘅勢力。本來各堂揸拂人都答應支持。殊不知在決定性時刻富貴堂堂主錢得進忽然調轉槍頭摧毀全盤計劃。據說錢堂主是為了捍衛對外交流自由才犯天條的。之但係、在這個要銀唔要品嘅世界裡面、恐怕連阿茂都唔會相信。因為破壞廿三堂聯手等同跟總舵主過唔去、呢條係死罪嚟吖嘛!因此、錢堂主點解要明知故犯、一直都是個迷。直至日前遇見一位行商界嘅朋友阿邊個、並且在我追問之下才給予我一些啟示。阿邊個並無直接回答我嘅問題。他只反問:“假如你係我會點做?”就是被他這麼樣一問、我的疑團便解開了!

所謂行商者就是到處去賺錢嘅人、那裡有利可圖他們就跑到那裡去。因此行商朋友唔止在紅家會嘅地頭賺錢、更多的就是在花家幫及其盟友嘅地頭賺錢。他十分清楚、如果開罪紅家會便會失去神州的一片天、但開罪花家幫就要失去更多了!因此、在兩虎雙爭之下、必須要找到平衡點才能保命。萬一不能兩邊討好、就惟由“抽生死簽”來決定由誰人去當義士。心水清嘅朋友大概早就注意得到、在空能組裡面所有與錢銀交易有關嘅界別席位都是被那些聲稱“愛乜愛勿”嘅亂制派人士取得、而教頭、法術、資訊歌伎、把脈、量地、社哭等紅家會吹唔漲嘅界別席位均被非亂制派人士佔據。由此可見、紫荊堂百年傳統唔係話改就改、雖然表面上是吵吵鬧鬧、但骨子裡卻是井井有條的。在公開選舉方面亦唔例外、泛㒼與亂制兩派人馬各佔席位比例機乎每一屆都差不多。即使在今次有七名品土派入物進入聚異廳而形成三角鼎立之勢、但正反兩方面嘅勢力比例依然係咁上下。試問世事又點會話巧合得咁交關?大家都心裡明白、如果廿三堂聯手成功嘅話、花家便冇埞企。須知到花家勢力遍及全球、強如灰熊京這號人物都被花大叔迫到走頭無路、何況只係區區小行商?因此以其眾死死、不如獨死死好過。既然錢堂主抽得一支死簽、惟有抵吓諗去孭起“食碗面反碗底”嘅罪名。只有咁做、整體利益才得以保存。


16 則留言:

  1. ☆・゚✬好友☁*`♦傍晚好★。゚☾齊齊╠╣aΡpy星期三🐈

    回覆刪除
    回覆
    1. 我兩公婆幾十歲人,其實第一次去投票,就是要梁振英下台必須的第一步

      刪除
    2. 神鳳、無論政見如何都應該去投票以示表達。妳你對了!預祝周未愉快!

      刪除
    3. 我兩公婆第一次表達不滿的了

      刪除
  2. 個個口口聲都話想23條立法,但個個都縮骨大隻講,原來係扮懵為利益。
    其實官家都有大把人係咁諗㗎!

    回覆刪除
    回覆
    1. 對某些人來說、廿三呢組數字係累身家的。

      刪除
  3. 敢咪即係話佢睇通睇透顧全大局

    回覆刪除
  4. 在空能組裡面
    所有與錢銀交易有關嘅界別席位
    都是被那些聲稱
    “愛乜愛勿”嘅亂制派人士取得

    回覆刪除
    回覆
    1. 在空能組裡面
      所有與錢銀交易有關嘅界別席位
      都是被那些聲稱
      “愛乜愛勿”嘅亂制派人士取得

      刪除
  5. 我忽然想到,香港培育新一代,的確有斷層,特別吃毒萍果長大果批!!!

    回覆刪除
    回覆
    1. 其實這是紅花雙方交手嘅部份結果而矣!

      刪除
  6. 域大哥早安吉祥...呵呵,紅家會令小妹想起紅花會..^0^

    回覆刪除
    回覆
    1. 紅紅妳好!被妳一提、在下也想起陳總舵主來了!

      刪除
  7. 總之,下一屆的垃圾會肯定永無寧日!

    回覆刪除
    回覆
    1. 對呀、這是街坊的選擇、惟有尊重吧!

      刪除