炒魷風雲

你傳我又傳

唔知方定圓
圈中無喜訊
大話當真言

江湖上不斷流傳繼統戰部頭領掙七成和組織部頭領戥你威兩人被炒之後、下一名被炒者將會是飛鴿部頭領咭蘇、並形容今次事件係施威為連任城主所作出部署嘅一部份。不過圈中耳語、施威手上有一份候炒名冊、除了咭蘇之外還有其他部級和副部級頭領、甚至連三大總管之中也有一人嘅名字出現在名冊之中。據說該名冊是由施威起草再由阿爺親自拍板的、相信誰也阻擋不得的。

現在問題是下一味豉辣炒魷會在何時擺上枱、而有福份享用的人又有幾多個？據說可能包括一名大總管和一名部級頭領在內。傳聞還指出、假如名冊上嘅人自動劈炮嘅話、名字就會在名冊中刪除。圈中有一則傳說指、去年某日當謠歌明開完「我愛紫改」演唱會之後、某大總管公開踢爆人家唱到甩牙走音、而且又在「和尚打傘」上演期間又走漏風聲、搞到施威雞毛鴨血。因此呢名大總管就被列入候炒名冊。另有一則傳聞指、雙台主播漱口玲從某部級頭領口中得知、自己未漱口就開聲罵人、臭到某人頂佢唔順而作出投訴、該頭領還提醒佢小心會食炒魷魚。因此漱口玲在被炒之後、便一口咬定係施威迫使其上司紫雲將佢炒魷。再加上此頭領與施威嘅對頭人私交甚篤而被壞疑口疏、所以亦被列候判名冊之內。呢嗱、傳就係咁傳嘞、注於係真唔係就要睇過至知喇！