當講惡已成習慣

鬥垮兼鬥臭

人衰冇藥救
越反越橫蠻
兒子打老逗

紫荊大教館任命副館長風波越鬧越大。日前大批學生包圍及衝擊大教館議事廳、並造成館委受傷、繼而又有人在停車場圍堵館委狂罵半小時。更不堪嘅就係、當館方召來警察解圍時、學生會居然本末倒置的指責警察進入校園打壓學生、事後還要在電台聲稱他們只是以武制暴而矣！但有館委不甘當政治靶子、而馬上宣布辭退館委之職。呢嗱、呢群學生之所以如此斗膽、大概是受到「和尚打傘」一役嘅薰陶。當時紫府不敢以強硬手段對付示威者、令他們認識到只要堅持有前冇後打死罷就嘅決心、當權者就會退縮。今次事件顯示「以武制暴」已經成為年青一代嘅金科玉律。

自由是現代文明嘅值價觀、但這並不表示可以濫用。因為凡事都應該有底線、誰超出底線誰就犯法。由其是人嘅權利和義務是不可以自由為藉口而將之模糊。例如學生嘅權利就是獲得學習機會、而義務就是要遵守校規。但今時今日嘅學生須要的不僅是學習機會、更多的就是要過問甚至干預校方政策和人事安排、稍有不滿就以蠻力向校方衝擊。例如今次學生衝擊館委會就是要替一名他們心儀的大教頭出頭、迫使館方落實之前提升此君為副館長嘅建議。之不過、這群學生只管指責館方畏懼權勢而閣置對這名大教頭嘅委任、但從來冇想過自己嘅所作所為更加係暴力得不可接受。教館本來是一個教曉學生知識嘅地方、而且仲係一個要讓學生學曉遵守規則的地方。可惜嘅係大教館已經演變成一個教非教、學非學嘅政治鬥獸場。點解會咁？答案咪就係紫荊人自己所犯嘅賤囉！今日社會之所以今出現以武制暴呢種思維、就係政治大於一切嘅後果。假如再係咁搞落去嘅話、真係要大吉利是講句、祝大家好運矣！