2015年7月29日星期三

由執錢講起


以為執到寶
誰知衰運到
遭人拉審押
就此廢前途

從前我哋紫荊人有句老話叫作「地上執到寶、問天問地擺唔到」、之但係到咗今時今日仲係咁諗嘅話、肯定一身蟻矣!幾個月之前有幾個懵盛盛嘅鏢師押着大批銀両在高速官道邊走邊跌錢都唔知到、令到途經此道嘅其他人士以為天降橫財齊齊執豆咁執。但勢難想到今次並非天降橫財、而係天降橫禍。原來、他們的一舉一動都被巡捕房嘅千里眼睇得一清二楚、甚至連相都影埋。結果巡捕房將拾遺者逐一拘捕、再交由刑部衙門判以偷竊鏢銀之罪、然後打入大牢。就係咁、大好前途即成泡影矣!

日前在下被一名九歲侄兒考起。他問我在地上拾到錢係咪當偷錢?我被他這樣一問當堂愕住、惟有反問是誰告訴他的。他說是電視機講的。我告訴他是因為那些人拾了別人遺下的銀両據為己有、所以被警察叔叔拘捕和被控以偷竊之罪。他再追問拾得銀両時應該點做?我說應該交給警察叔叔。殊不知他竟說、日前他在地上拾得一毛錢、並叫我帶他去將錢交給警察叔叔。這下子登時令在下說不出話來、惟有叫他將那一毛錢交給我去辦、並告訴他好孩子除了要誠實之外、還要記住不可拾遺。

嗱呢、別以為上述事件只屬小孩無知、雖然很多人都知到拾遺不報是犯法的、但在這件事未發生之前、相信十個執到錢嘅人之中、有九個人都不知到拾遺是犯下偷竊之罪的。之但係、如果人人執到錢、不論多少、都跑去報警嘅話、巡捕房咪好唔得閒?就算真係人人都路不拾遺、但銀両呢家嘢總逃不過清道工人嘅法眼吖嘛!萬一清道工人揸正來做、每當拾得一個幾毫便馬上跑去報警嘅話、會唔會被指為浪費警力架?仲有呀、既然拾遺者是犯偷竊罪、那麼掉失銀両嘅鏢師又算不算是引人犯罪呢?無論有心抑或無意、總之若不是鏢師疏忽就不會使得遍地鏢銀、若不是遍地鏢銀就不會引至多人犯法。既然如此、何解法律之矛獨是指向拾遺者的呢?

 

 

15 則留言:

  1. 交警署後3個月無人認領會合法給拾遺者,所以都係交俾警署好D。

    回覆刪除
  2. 其實果日仲有很多漏網之魚,,,,,,,,

    回覆刪除
  3. 好同意法律之矛不能獨指某一方的
    我相信那些拾遺者都會拿去警局
    可能警局路途太遠
    行幾個月都未行到啫

    回覆刪除
    回覆
    1. 這並不出奇、有人代表機構收取損款半年未過數、原因係太忙碌而未能抽時間過數之嘛!

      刪除
  4. 好友☁°✬早唞★°¨♦晚晚甜夢安睡☾º°¨Zzz✫
    齊齊❦.¤窩心錫錫又快樂抱抱幸福渡過每一天
    今天我又忙打理❀*´✿毬蘭❉´•*◇冇時間上網囉

    回覆刪除
  5. 呢個故事教訓大家,就算响地下見到錢千祈唔好執,否則得不償失!

    回覆刪除
    回覆
    1. 光棍彼教仔「便宜莫貪」原來係啱嘅!

      刪除
  6. 地上執到寶, 而家見到有乜都咪搞好啦...

    回覆刪除
    回覆
    1. 因為今日嘅寶物隨時會變成毒物架....

      刪除
  7. 唔小心跌咗錢已經好大鑊, 可能受公司處分影響升職入息聲譽等等, 還要受法律之矛所指? 係人都有唔小心犯過失嘎啦.

    回覆刪除